男女火鍋放題又食又拎斷正遭網民起底 敖嘉年：警惕到其他人 #敖嘉年

敖嘉年今日（30/9）現身觀塘出席中秋節義工活動。對於近日有一對男女光顧荃灣一間火鍋放題店時「又食又拎」，涉將大批肥牛、生蠔及蝦蟹等食材放入環保袋企圖 ...

敖嘉年今日（30/9）現身觀塘出席中秋節義工活動。對於近日有一對男女光顧荃灣一間火鍋放題店時「又食又拎」，涉將大批肥牛、生蠔及蝦蟹等食材放入環保袋企圖拿走，但遭店舖閉路電視拍下「斷正」，事件引起全城關注。涉事男女光速被起底，有網民指貪心男疑為醫療輔助隊的成員。

肥牛好好味呀。

敖嘉年接受《香港01》訪問時表示：「其實睇到呢單新聞，我覺得幾震撼。點解會有呢種感覺，係見到嗰間嘢係食自助放題，而嗰個男人用個袋袋走咁多食物，個行為係好奇怪，同埋佢攞嗰個份量都好過分。不過見到佢用隻手攞完啲肥牛，然後又抹頭髮，呢下我先覺得驚，覺得係好唔衛生。成件事嚟講呢個行為係唔啱嘅。」



敖嘉年希望大家食放題火鍋，千祈唔好盜竊食物。（葉志明攝）

對於涉事男被人光速起底，敖嘉年表示：「我哋依家好多時都會睇到啲第一時間放上網嘅片，變成咗我哋現今嘅一個習慣，而我睇到啲留言全部都係鬧緊佢，當然對當事人嚟講係會有好大嘅影響，同時亦警惕到佢，亦警惕到其他人唔好做呢啲嘢。」



中秋義工活動。（葉志明攝）

本文作轉載及備份之用 來源 source: http://www.hk01.com

鍾意就快D Share啦！

下一篇 》