歌手張敬軒昨晚（24日）現身灣仔海濱，為一個萬聖節音樂嘉年華擔任表演嘉賓，獻唱多首歌曲，期間更走到台下與粉絲擊掌和握手，氹得粉絲們瘋狂尖叫，令他也忍不住笑稱「嘈到耳仔都炸埋」，又大讚粉絲打扮別出心裁。
張敬軒騷後受訪，問他為何不以萬聖節打扮演出？他笑言最重要靚，笑指每逢大節日通常在工作中度過，因此也未試過萬聖節打扮。談到老闆楊受成同日舉行結婚40周年慶祝派對，他笑指自己「走兩場」，去過結婚晚宴獻聲後才過來音樂嘉年華，又笑稱因為近來工作忙要後補禮物，透露除了為稍後舉行的「拉闊」音樂會準備，完成「拉闊」後便要為新歌錄音。
談到他早前在一個活動上被司儀方健儀多次稱呼「軒公」，他事後開直播時坦言對稱呼「嗌到有啲悶」，更引來粉絲們熱議，張敬軒解釋只是一場誤會，全因有粉絲將其中段對話節錄並放到網上，他説：「方健儀第二朝睇到，擔心我嘅Fans唔開心所以即刻道歉，其實我Ok，冇嬲。」他表示跟對方也明白純屬誤會，大家並沒有芥蒂，更表示對方不用道歉，大家可繼續稱呼他「軒公」，他續説：「只係有時聽到長輩都叫我『軒公』覺得受唔起，不過我都會檢討自己，有時講嘢唔好講啲唔講啲，要有頭有尾，我發現好多時自己都表達得唔好而被誤會，所有網上嘅意見都好有用，我好接受呢啲批評。」他續指現時老闆楊受成也不會叫他「軒仔」或「張敬軒」，早改口叫「軒公」，表明「嗌咩都冇乜所謂」。
提到他在直播中亦透露現時感情生活如張白紙，他笑指因近年都工專心在工作上，難以分散注意力拍拖，他説：「近來都有Fans同我講，話我社交平台依家廣告比較多，自己都好懷念以前成日分享生活上嘅感覺，所以依家同團隊會開始放慢腳步。」有粉絲建議他想拍拖可找林盛斌幫忙介紹，張敬軒笑謂：「佢幫我聯絡其他嘢得喇，我哋識於微時，佢時不時都會彈啲工作畀我。」他坦言在這方面沒有壓力，父母亦比較擔心他在工作上事情，尤其初入行時會擔心他的收入不穩，亦擔心他會否有不開心：「有時我好夜收工返到屋企，都會見到枱面有碗湯，要好好珍惜，幸福唔係必然。記得有次媽媽叫我多啲返屋企食飯，佢話佢哋呢個年紀，見一次少一次，聽完好似畀人打咗拳，就算爸爸媽媽依家住喺香港，我陪佢哋嘅時間都唔算多，不過我暫時未有勇氣同佢哋一起住，始終兩代人嘅觀念都唔同，怕會多摩擦，但我哋都住得近。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
