在電影《第四幕》中，馮德倫是飾演一位舞台劇導演，而周秀娜是其太太，她坦言這次合作非常緊張。「之前跟Stephen合作他已經是導演。那個感覺係唔對等，導演喎，你要同導演做戲，而今次係做夫妻關係，第二次合作已經做夫妻。」馮德倫︰「嚴格來說，是我發掘佢出嚟，佢第一次演戲就係《老馮日記》，當時我已經獨具慧眼覺得佢會得嘅！」
問到馮德倫有冇興趣再拍《老馮日記》，Stephen表示都有興趣，但周秀娜就強調唔好睇番第一輯，原來娜姐是怪自己當年baby fat，不想再公諸於世。「好腫，眼耳口鼻黐埋一齊。」而Stephen坦言當日物色到娜姐，純粹是因為外貌︰「佢合適個角色，就搵佢演。」
最近太太舒淇在釜山電影節拿到最佳導演，問到馮德倫會否比自己拿獎更開心？Stephen就好坦白說︰「咁應該唔會比自己攞獎開心，但都開心。（有冇畀太太一啲獎勵？）個獎已經係好大嘅獎勵，唔使再獎勵 （有激勵自己要攞多啲獎返嚟？）係呀，就拍緊呢部（屋企會讓啲位畀佢放獎？）佢好多喇，都唔讓得咁多，要爭取番啲畀自己。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
