陳百祥又指現時「精裝明星足球隊」在內地很受歡迎，一星期踢足3日：「我而家係職業踢，人哋真係俾錢我踢，舊時我就唔係。而家我係收錢去踢㗎，同埋所有嘅藝員跟我踢過一場，喺佛山吳國敬、菊梓喬佢哋嘅商演機會係多咗20倍左右，同埋每一個藝人都係咁樣。所以我帶住晒鍾意喺內地表演嘅藝人，除咗踢波，個個都有嘢撈，咁呢個我係最開心嘅。」
陳百祥續說：「唔好講直播賣嘢，唔講仲誇張，黃長興、梁烈唯、王秀琳嗰個都簽晒公司做直播，同埋做商演。大家都知成個娛樂圈都係低潮搵唔到食嘅，TVB又一直減人工嘅，咁我帶住一班難聽啲講，係香港一班撈得唔係好好，而家喺內地撈到風山水起，咁點解唔帶住佢哋。（有冇娛樂圈中人主動叩你門？）多都不得了，我係接唔到咁多人，但我每次都加啲人，今次係加咗3個，加咗黃長興、高鈞賢、王秀琳。佢哋踢我一場，之後就不停咁接商演，我何樂而不為呢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
