影后張栢芝現正拍攝內地綜藝節目《一路繁花2》，孖多位內地有分量女星劉曉慶、寧靜、何賽飛等現身香港，同行仲有兩位小鮮肉星神柯淳及邵子恆，眾人一現身即引爆路人追拍潮。
眾人分別被發現穿梭於中環街市、太平山頂、尖沙咀星光大道等遊客區，當中更去欣賞維多利亞港夜景，香港長大嘅張栢芝應為今次出Trip導遊，孭上大大個爬山背囊，沿路為大家講解，忙前忙後，即被大讚優秀、貼心又善良，多人出入時亦出手保護多位姐姐，認真Sweet爆。同行嘅寧靜就以一身city walk索女打扮見人，短裙仔加氣場全開，同樣搶眼。
而栢芝在開拍前好有愛，特意將飲品派給工作人員。而寧靜亦睇好「劇本」，為拍攝做好準備。另外，邵子恆今日又在社交網釋出跟栢芝合拍跳舞片，他說：「打歌時間到，和柏芝姐一起《Marry you》！」片中2人大派心心，默契十足。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
