歌手關淑怡（Shirley）今日（7日）傳出突然入院，更一度送入ICU搶救，疑似23歲仔仔關浚賢及關爸爸一同現身醫院，疑似關浚賢更曾在醫院長櫈上抱膝痛哭，兩人於病房門外神情哀傷，連日來親友們輪流探望，即使過了探病時間都未敢離開醫院。
有指Shirley今次入院曾入ICU搶救，情況危殆，日前疑似關浚賢及關爸爸連日守候，據悉關浚賢同Shirley感情要好，年前佢被母親安排到美國定居，所以有傳當佢知道媽媽出事，就立即趕返港，坐喺病房門外嘅佢神情落寞，多次抱膝飲泣，半步未有離開，成個人落晒形，終喺公公力勸下先肯到附近餐廳醫肚及稍稍返酒店休息幾小時。同時，多位親戚好友收到消息後都紛紛抵達醫院探望，眾人出入都未見帶同湯水或飯菜，估計Shirley要用喉管餵食，病情似乎相當危急。
向來我行我素嘅Shirley，1989年以《難得有情人》獨特唱腔走紅，被捧為90年代天后。直到2005年，佢突然承認未婚產子，2014年終公開兒子關浚賢父親係寧波車。同年11月，佢網上指被助手在公眾場所辱罵，更公開對方照片鬧爆，但相隔一、兩天，卻高調拖細佢22年嘅內地男友李佳念出席頒獎禮，「母子戀」曝光成為一時熱話。
多年來佢又被指行為怪異飄忽，2012年曾突然於社交網寫下告別書，疑似萌輕生念頭。2016年於居住地區愉景灣海灘墮海，當時有傳佢同外籍男友因情變而借酒澆愁跳海尋死，但其後佢否認自殺，並解釋係沙灘散步時不小心跌落海，並非情緒不佳。2017年又喺愉景灣酒店因與員工爭執，涉及刑事恐嚇，最後在庭上承認普通襲擊罪，因此罰款2,000元兼留有案底，而另一項刑事恐嚇罪則獲撤控。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
