高海寧（高Ling）今日（17/10）現身機場出席無綫（TVB）劇集《飛常日誌II》開鏡儀式。對於與洪永成再度攜手合演《飛常日誌II》，高海寧接受《香 ...
高海寧（高Ling）今日（17/10）現身機場出席無綫（TVB）劇集《飛常日誌II》開鏡儀式。對於與洪永成再度攜手合演《飛常日誌II》，高海寧接受《香港01》訪問時表示：「其實喺戲入面我好鍾意同洪永城嘅感情線，由第一輯到而家嘅第二輯我都係好鍾意，喺個角色入面佢係一個極致嘅暖男，不過我好鍾意有一場戲，原先係冇諗住咁樣做，直至到佢留意到我隻眼有濕疹，佢就將啲對話加咗入去場戲度，突然係好銳痛到我個心，變咗嗰場戲係勁感動。」
高海寧開工受濕疹影響眼又痕又腫。（葉志明攝）
![]()
提到濕疹最新病情，高海寧表示：「其實而家個濕疹係不定時咁復發，兩隻眼會圍住一圈咁樣，有時候痕癢同埋會腫，始終我哋都要用眼去做戲，一定係有影響我工作。但我都有帶定藥同藥膏喺身以防萬一，因為如果拍劇嘅時候病發得好嚴重，就會攞出嚟應急，但平時就唔用咁多類固醇藥膏。而家我係中西醫一齊睇，中醫就係調理身體飲中藥。（情緒有有受影響？）係容易焦慮，始終我係想以最佳嘅狀態去見人同拍劇。」
![]()
![]()
![]()
![]()
![]()
![]()
