▲M記套票落單攻略。
【麥當勞/麥麥慳/麥當勞慳錢法】麥當勞日前再度推出「麥麥慳」套票優惠，最平$25即可歎多款套餐，近日有港人分享與準會計師朋友討論套票最抵買法，更整了一張Excel比較表，表示用套票買呢款餐最抵！
麥當勞慳錢法｜M記套票攻略！準會計師列Excel計呢款最抵食
日前有港人於Threads發文，表示日前與準會計師共同買入麥當勞「麥麥慳」優惠券後，樓主疑惑「其實係咪真係平咗」，隨後友人計算發現原來「平得嗰$5」，樓主一怒之下決定「整個Excel先」。比較後，他們發現使用套票購買板燒雞腿飽最抵，「一餐就回返coupon」。
另外，他亦附上Excel表列出不同套餐的原價與使用套票後的實際差額，從中可見，原價偏低的套餐，如豬柳蛋漢堡、雙層芝士孖堡等，在使用套票後慳得不多，最多只節省了$11，不過板燒雞腿飽、雙層魚柳飽等這些較昂貴的套餐最多可省$19.5！
最新影片推介：
麥當勞慳錢法｜網民大讚：拯救咗我哋呢啲窮人
帖文引來大批網民留言，不少人紛紛感謝樓主，「神post，拯救咗我哋呢啲窮人」、「堅， 想睇埋雞餐券」、「多謝你好有用」、「好正，好有衝動買券」、「M記攻略！」
除了「飽券」外，亦有網民留言詢問「雞券最抵叫排名」，討論「$128任選雞餐」選擇哪款套餐最抵買，有人認為「雞卷一定係食脆香雞翼最抵啦，平時咁貴」、「如果用雞券再用埋滙豐紅卡，起八次內簽滿夠三十蚊樓上仲可以減多五蚊 」、「只會食兩個雞飽餐、雞翼餐同9件麥樂雞餐」、「雞券最抵係食蜜糖麥炸雞」。
麥當勞慳錢法｜1個技巧落單減$15歎麥樂雞+脆香雞翼
除此之外，早前有網民在社交平台發文教路，用麥當勞App點4件脆香雞翼套餐（配中薯條及飲品）加配6件麥樂雞要$71，但點6件麥樂雞餐（配中薯條及飲品）加配4件脆香雞翼就只需$56，同樣可以過足口癮的食物，但點餐時不同的主次配搭可以平足$15！
更多相關報道：
麥當勞｜麥當勞慳錢大法爆紅 1個技巧落單減$15 歎麥樂雞+脆香雞翼只需呢個價
麥當勞優惠｜麥當勞「麥麥慳」優惠套票回歸！ 4款指定餐$25起歎脆辣雞腿飽+麥炸雞
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品!【立即參加】
|
鍾意就快D Share啦！
|
|
|
