其實，本身的出席名單中並沒有郭柏妍的名字。陳曉華和郭柏妍接受《香港01》訪問時，郭柏妍就解釋，原先自己正在機場拍攝《飛常日誌II》，本來並沒有預期自己能趕及《新聞女王2》記者會，但後來劇組「放人」才決定盡量趕到現場。陳曉華也幫手解釋，由香港東邊的機場趕到西邊的將軍澳電視城，也實屬不易。
陳曉華透露，今次在《新聞女王2》有角色上的改變，上輯被炒魷魚，今輯就會以復仇姿態回歸，經營自媒體並追擊「Man姐」佘詩曼。「第一次我跪低乞求Man姐畀返個職位我，但係佢冇，所以第二輯我就返嚟，因為佢做錯嘢，所以我覺得佢應該跪低道歉，好似我以前咁。我嘅平台主要係追擊Man姐，但我唔係針對佢㗎，真係有做錯嘢先播出嚟。」
講到劇情，佘詩曼大爆陳曉華「以下犯上」，為她改花名叫「Mean姐」。陳曉華接受訪問時坦言演出有關劇情時感到有壓力：「因為要講佢啲衰嘢，但係講講吓又覺得，原來又幾容易，講出嚟又唔使負責任。其實呢個都係講出咗自媒體嘅生態。」
郭柏妍表示，今輯角色會與何廣沛一齊坐檯做主播，吸收了一些「使橫手」方法後應用在自己身上。陳曉華問是哪一方面，郭柏妍：「即係好似上一輯有人解開粒鈕咁樣。」記者問：「即係好似今日咁樣？」郭柏妍：「係啦。」
同為港姐出身的陳曉華和郭柏妍，在近年在戲劇方面較其他人成功。陳曉華就表示，無論是否港姐出身，也應在演技上下更多苦功。「好多時大家覺得港姐會⋯⋯」郭柏妍：「有個光環。」陳曉華：「係囉，但係做演員要好努力，即係做一個合格嘅演員有好多嘢要學。」她們均表示，能夠與眾多前輩合作，對演技上的進步相當有裨益。陳曉華：「能夠進步真係因為前輩。」郭柏妍：「喺佢哋身邊學嘢真係好難得，同埋真係keep住努力，大家先會覺得你好。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
