提到近人有網民遭冒名高海寧的騙徒行騙，之後向她發訊息告知一事，高海寧說：「我收到DM，藉今次事件呼籲大家小心唔好畀人呃。（會唔會擔心屋企人被騙？）唔係擔心，我阿媽好醒㗎，但係會提醒屋企人，每個人應該有嘅安全意識，我自己係唔聽電話嘅，都係搵我助手同經理人。」
高海寧有份主演的新劇《新聞女王2》已於內地率先播映，劇中馬國明的角色在第一集已死了，問高海寧可會覺得可惜？她說：「雖然馬明佢個角色過咗身，但係佢嘅戲份唔少，佢係好重要嘅因素，會影響到我哋四個女仔之後嘅發展，無話可唔可惜，劇情發展需要。談到黃宗澤 (Bosco)的角色，高海寧表示與對方有不少對手戲，她說：「我畀bosco個角色激到紮紮跳，佢有時好賤格。（咁你個角色係咪幫Man姐？）唔係，我自己個角色係睇重利益嘅，以利益為本。」高海寧與林正峰在《新聞女王》中是一對CP，但有指林正峰在新一輯入面無影，問到高海寧與林正峰是否仍是CP？她說：「我哋結咗婚㗎，仍然係CP，不過佢係駐美記者，我個角色好專一，只係事業上好博殺。（林正峰會唔會出場？）你哋睇落去咪知。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
