無綫台慶劇《金式森林》熱播中，其中飾演郭晉安母親嘅羅蘭，更係大晒影后級演技，獲網友大讚「眉頭都有戲」、「完全展現出其霸氣」。然而，近日有網友發現羅蘭已從無綫嘅藝員名單中「消失」，令不少觀眾感到驚訝外，更紛紛揣測羅蘭已低調與無綫結束多年嘅合作關係，正式離巢。
從1939年代出道演粵語長片至今，演藝生涯逾80年並仍活躍於幕前嘅羅蘭，陪伴咗無數觀眾成長，其中1993年喺電影《七月十四》首次飾演能預知和聯絡鬼魂嘅靈媒「龍婆」一角，成功打開知名度之餘，其出色表現令佢獲得兩屆《香港電影金像獎》「最佳女配角」提名，「龍婆」一角更反覆出現喺恐怖片《陰陽路》系列內，成為香港恐怖片的標誌人物，並被網友封為「香港鬼后」。
而羅蘭嘅事業巔峰，係佢喺65歲時憑電影《爆裂刑警》中飾演嘅邊緣老人「四婆」一角，成功勇奪第19屆香港電影金像獎最佳女主角，成為金像獎史上最年長嘅影后，精湛演技備受肯定嘅同時，羅蘭亦憑此角獲得香港電影金紫荊獎及香港電影評論學會大獎的殊榮。此外，曾表示冇打算退休嘅羅蘭，透露被醫生告誡，如果停止工作嘅話，腦袋亦會隨之衰退，因此佢一直堅持繼續拍戲，多年嘅演出經歷亦令佢喺2002年《萬千星輝賀台慶》中榮獲「萬千光輝演藝大獎」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
