郭鋒年輕時愛開車玩越野賽，曾參加六日六夜拉力賽，由香港揸到北京。劉緯民問：「你咁樣去參加，佩珊冇嘢咩？冇鬧你咩？」郭鋒嘆：「講起好遺憾。」他透露報名時完全沒有通知太太，直覺至臨出發才向她坦白。郭鋒讚太太很好，絲毫沒有生氣，反應鎮定。出發當日只提醒他：「小心啲」怎料郭鋒在尖沙咀準備出發時，見到太太和父親到了現場送行，劉緯民忍不住笑罵郭鋒：「你睇吓你幾令人擔心！」郭鋒亦坦言：「我冇顧慮到太太點諗。」
郭鋒完成賽事回港後，聽到同事跟他說：「你知唔知呀？你走咗佢喺度開工拍嘢，坐喺度第二個人咁樣呀！」歐陽佩珊跟同事表達擔心：「我驚佢有咩事。」說到此，郭鋒亦忍不住臉露傷感，停了停低頭整理情緒。郭鋒又謂當年好勝，之後學識要珍惜眼前人。
郭鋒接受好友馮素波的YouTube頻道訪問時，談及已故妻子歐陽佩珊時，突然流下男兒淚，場面令人傷感。馮素波見狀，立即安慰及轉換話題，可見兩人友誼深厚。提到相戀初期歐陽佩珊已甚有名氣，馮素波問到可曾介意，郭鋒大讚歐陽佩珊為人善良，從不與人爭執，即使有意見不合，都從不大聲說話：「我只有感激，好尊敬佢。」郭鋒更分享，太太是他人生中最重要的導師，亦改變了自己的一生。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
