曾醒明亦提到與對方見面已是前年的事了：「我知道佢近期身體唔係幾好，佢喺今年都曾經入住醫院兩個幾月，出返嚟身體都好弱，需要帶呼吸機去維持生命，知道佢體弱，但係諗唔到。」他又透露在馮淬帆離世前的兩日，大家有在Facebook聊天，並向他告知許紹雄（Benz）離開一事，因為在圈中大家是比較交心的朋友：「大家都見到佢（馮淬帆）喺Facebook講咗一啲唔係幾好嘅說話，可能嗰陣時佢心目中已心中有數，但估唔到一語成讖。（知唔知佢有咩心願？）希望能夠拍一啲想拍嘅電影，但好可惜今時今日佢唔能夠實現佢嘅遺願，佢亦有心願曾經講有提過要海葬，喺金門海葬，但係要睇佢屋企人是否遵守佢遺願去進行。」
續問到知不知道喪禮事宜，他表明現階段都要等通知：「我知道佢外甥係過咗去台灣，佢一直一個人喺台灣生活，所以佢喪禮都係靠台灣嘅朋友義務幫手。」而他即將在下個星期一要帶隊出發到泰北山區做探訪，屆時不知道對方喪禮一事如何進行，所以已提前託台灣朋友從旁幫手。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
