藝人方力申（小方）暌違舞台17年今年開啟巡迴音樂會，宣布迎來澳門站音樂會，他幽默表示要同時宣布澳門站將是今年的「告別音樂會」，完成音樂會後便會暫停所有工作陪伴太太生產等做爸爸，展開人生另一個新里程。
小方《方力申SHOW UP音樂會2025》由中山站啟航，之後到佛山、廣州、南海、江門，第6站澳門站將於本月15日舉行，對上一次個人音樂會已經是17年前的事，小方解釋因為是運動員心態，希望凡事做到最好才做，但當時就冇信心，「時間眨眼便過，連歌都冇出，碟又冇，歌手身份唔再係，好似放棄咗。」直至主辦方小霖鼓勵他，認為他一直無離開過舞台，包括早前在《聲生不息‧大灣區季》跳唱郭富城的快歌《Para Para Sakura》便令觀眾留下印象，他笑謂：「自己覺得唔掂唔緊要，最緊要人哋覺得你掂，就去做好好去做。」記得中山第一場音樂會後收到粉絲留言表示睇到喊，終於看到認真唱歌的方力申：「我好大反思，以為唱歌都係娛樂大家，原來歌迷眼中係有唔同，唱《好心好報》好多次，有時唱到滑啞，但歌迷想聽番當時感觸嘅情況，要換個位諗吓。」亦鼓勵到自己用心唱，不能滑啞。今次音樂會主題是Show Up，並非完全唱自己歌，他設計了一段以前金牌同事的歌做串燒歌。希望之後巡迴返港開騷，無論尾站或是重新一個音樂會也好，打算唱更多自己的歌，更預了香港站會除衫騷身材，他表示會勤力操肌及減肥，除了為音樂會，也為迎接bb做準備，好想bb出世一刻攬着bb身體接觸，相信會好感動。
小方太太預產期在12月，因為準備順產，已收到太太指示超過兩小時車程的工作不准接，今胎是女，他開口希望下胎是猴bb跟自己同一個生肖，但並非想追仔，只是不想囡囡是獨生子女。而太太表示最多生兩個，笑言希望氹到太太生多幾個。不過都感受到太太懷孕的辛苦及情緒變化，「太太會擔心到喊，擔心做唔做到稱職媽咪，又擔心bb，有啲情緒，唔係抑鬱。」提到日前見到張繼聰兒子張瞻，記得小方曾經在張繼聰演唱會上將3歲的張贍拋到半空遭婆婆大鬧，現在為準人父終於明白，「如果我個女畀人拋我都驚。」提到香港站將會推出新歌，他說太太講明不准他「出賣」囡囡用來寫歌，「太太驚我賣個女寫首爸爸獻畀個女嘅歌，未諗到做已經截住我。」
髮型：Kin Tam @IL Coplo
化妝：Yen Lai
服裝：markfastasia
本文作轉載及備份之用 來源 source: http://hk.on.cc
|
鍾意就快D Share啦！
|
|
|
