無綫小花陳楨怡2020年參選香港小姐奪得亞軍後加入無綫，其眼細細及高人一等的外形相當突出，她入行至今，先後憑劇集《新聞女王》的「聶莎莎」及《巾幗梟雄之懸崖》的心機女「寧俐」贏得觀眾關注。在剛播畢的《巨塔之后》中，楨怡飾演富家惡女「王啟心」，獲讚演技再升級，仰頭鼻孔向天鬧人一幕令觀眾留下深刻印象，亦因此漸受關注。日前有網民翻出其舊照作對比，發現她從以前的矇豬眼變成雙眼皮大眼妹，惹來整容疑雲，日前楨怡接受本報專訪時，親自拆解變臉之謎。
專注事業唔諗拍拖
楨怡透露經常被用作對照的舊照是2020年沖浪後的訪問照：「嗰陣太陽猛所以瞇住眼，睇番都覺得似啱啱瞓醒，依家講嘢會注重面部表情多啲。（有冇動過刀？）冇，不嬲都係內雙眼皮，選美時冇黐雙眼皮膠紙，用咗就好唔同。」她自言天生「惡相」，不說話時感覺冷傲嚇窒異性，感情空白的她斷言現在也不想拍拖：「愛情鎖喺夾萬，依家只想好好專注事業。」又指不憧憬結婚，即使在布拉格拍劇時身處婚禮大場面，亦沒有半刻心動。
除了《巨》劇，楨怡在即將播映的台慶劇《新聞女王2》亦參演了一個單元，3部台慶劇中佔了兩套，比只得一套的同屆港姐季軍郭柏妍更佔優，楨怡認為不應該比較，選美後大家各有工作，坦言很想將來跟郭柏妍一同拍劇。今年是入行第5個年頭，楨怡透露學習劍術後，希望可學以致用，一嘗拍武打戲，演古裝俠女或執法人員。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
