電台DJ阮小儀上月31日正式離開服務達31年的電台後，其有份主持的節目《早霸王》亦告壽終正寢，曾傳出因薪金問題被迫告別廣播生涯的她，其實跟電台關係不錯，皆因她在社交網分享捧舊東家主辦的《拉闊音樂會》場，上載跟今次演出的張敬軒親密合照，她寫道：「非常精彩嘅一場拉闊音樂會。Most Wanted，我哋就係要呢啲！全晚歌曲情感滿瀉，有啲淒美到虐心感覺，但我們很享受。多謝軒仔，真係好高質，好好睇！」可見人走茶未涼。
而小儀的拍檔森美在《早霸王》結束後，昨日夥拍電台DJ阿正及Elsie主持全新節目《Bad Girl大過佬》，而首播節目中出現最大彩蛋，正是小儀極速「回歸」再開咪，令觀眾相當驚喜，她透露以「義工身份」出現，並說：「同平時同一時間起身，但今日比之前10點做節目遲咗一個鐘出現，所以感覺路面同以前返工好唔同，亦有『今日開始唔使返工啦』嘅感受。」又為森美要孖住兩位後輩做節目而打氣說：「辛苦你啦。」
小儀又謂曾被問可習慣新生活，她覺得連續三日都跟電台同事見面，所以沒有不習慣，森美趁機謂每日都為小儀度一個環節，直至她完成過度期為止，又解釋請小儀做嘉賓的原因：「等小儀同聽眾易啲適應新生活。」節目完畢後，森美在社交網上載大合照時，再次多謝小儀：「有你才能穩定我哋軍心，感激！第一天節目順利。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
