藝人陳星妤星運日隆，在昨日播畢的無綫重頭劇《金式森林》扮演拜金女，又有份參演另一新劇《玫瑰戰爭》，原來月前她更低調打開內地市場，客串內地劇，忙個不停！對於外界經常質疑其收入來源，形容是「屋邨妹忽然富貴」，她霸氣回應：「咪當係另類宣傳囉！」
今年剛踏入30歲的陳星妤迎接人生新轉捩點，直言期待未知的將來，希望能散發「真．女人味」，並在事業上有更大的發展空間。談到為自己準備的「禮物」，她透露打算自資成立首飾品牌，更預告會親力親為，抽時間到訪內地或東南亞地區尋找合適的生產商合作：「因為我大學讀設計，想學以致用，同埋唔想收入淨係單靠拍劇演戲，亦想外界喺其他方面了解及認識我多啲。」
凡事喜歡循序漸進的星妤，坦言生意一開始會以網店行先，暫未打算開設實體店。對於外界經常指她是「屋邨妹」卻生活富泰，高EQ的她坦言未有介懷，並借這次訪問作出解釋：「人哋咁講，我真係冇特別唔開心喎，之前晒出嘅旅行相好多都係影落㗎，只係想Keep住同網民及粉絲互動。其實由我參選港姐時，都經常有啲類似報道，好明白呢啲標題係容易吸引人追睇嘅，有時我冇乜曝光機會，當佢哋幫我另類宣傳」
踩入內地 激戰前輩
星妤深受公司器重，去年開始一直忙個不停，由《廉政行動2024》拍到台慶劇《金式森林》，再為重頭劇《玫瑰戰爭》開工，中間還首度涉足內地劇壇，獲安排到上海客串演出，可謂劇接劇，不愁收入，她說：「呢套內地劇我都幾期待，因為有機會同一個出名好戲、來自台灣嘅前輩合作，我哋會有大膽激情戲，相信播出時都幾震撼，不過詳情唔講得住，相信今年內就會推出。（拍親密戲會唔會好尷尬？）唔會，佢好有經驗，同埋我覺得今次跟到前輩學嘢，好似上咗一堂演技速成班咁。」
直認拍拖黐身
在《金式森林》中，星妤扮演整容並參加天王嫂訓練營，誓嫁入豪門的拜金女，與「妯娌」何依婷鬥過你死我活，引起網民熱話。獲得劇迷關注的她恍如打了一支強心針，目前正投入拍攝《玫瑰戰爭》，希望再次獲得觀眾認可。
事業心重的星妤被問到會否暫時叫停感情生活，她爽快回應：「我又覺得拍拖唔係好影響喎，遇到啱嘅我真係唔介意試吓發展，不過唔會隨便開始，開始嘅話對方都應該係我嘅結婚對象。（有咩擇偶條件？）成熟、大方、鍾意運動、喜歡狗仔，最緊要係時間上可以遷就到我。我係幾黐身嗰種，鍾意成日見到面，哈哈！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
