許家傑說：「講真，今次真係一個好重嘅擔子，因為三版紙全部都係你講，確實準備真係要好充分，因為有陣時劇情係飛紙仔，一個星期前先收到，咁就真係完全邊度都唔去，就喺屋企讀劇本，因為好多人名、日期，全部都唔可以錯，幾十個演員坐晒喺度就係等你一個講，個壓力係幾得意。好彩背得夠多就克服到，其實我細個係有少少語言障礙，咁所以口齒唔係好清，可以趁呢個機會練習吓。」
許家傑表示，做「送水輝」和「應華龍」的分別很大：「個節奏好唔一樣，譬如《愛回家》就要好輕快，一場戲就要即刻表達到，drama就要理解個角色背景，同埋要3個月就融入，但係我做送水輝已經做咗8年。感覺好唔同，可能某程度上送水輝已經係我本人性格。」
有觀眾會問，許家傑會否放棄拍《愛回家》，轉而投正劇懷抱？他回答：「我相信唔會嘅，因為《愛回家》都家傳戶曉，我哋都做咗咁耐，個靈魂都已經入咗血，每個人都會叫我送水輝。」他表示，無論正劇和處境喜劇也喜歡，沒有哪邊更好或更低，從正劇中，他可以學習新睇法、新演技，再將之融會貫通，或帶入《愛回家》之中。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
