由首位登上美國Billboard流行榜頭10位的華人女歌手劉晨芝(Adrienne)擔任執行製作人，首部來自香港的英語真人騷節目《瘋狂名人社交》(Cr ...
由首位登上美國Billboard流行榜頭10位的華人女歌手劉晨芝(Adrienne)擔任執行製作人，首部來自香港的英語真人騷節目《瘋狂名人社交》(Crazy Celeb Social) ，已於2025年3月下旬成功登陸全球Amazon Prime播放，美國及歐洲皆得到非常熱烈迴響。為慶祝一連7集的真人騷節目《瘋狂名人社交》創下佳績，今晚在中環舉行盛大祝捷會。
劉晨芝(Adrienne)擔任執行製作人的英語真人騷節目《瘋狂名人社交》(Crazy Celeb Social) ，在中環舉行盛大祝捷會。（陳順禎攝）
![]()
劉晨芝接受《香港01》訪問時表示：「有咁好嘅成績，有咁好嘅反應，嚟緊我又會準備開第二季，準備搵埋何超盈，佢除咗係我好好嘅朋友之外，亦係好有義氣。早前我意外跌親撞到個頭，佢係陪我入醫院同埋陪我出院。」
![]()
![]()
劉晨芝透露發生意外經過：「早前去游水嘅時唔小心跣親，個頭撞咗落地，當時係好突然，相信大家都知撞親個頭可大可小，然之後個頭痛，我就好驚當時我係冇話俾人聽，我係一個人入咗醫院，當時何超盈知道我一個人入咗醫院，佢就即刻擺低晒所有嘢，過嚟陪住我，又陪我睇報告，又陪我出院，真係好窩心。」
![]()
![]()
