入行9年的菊梓喬卸下唱片公司「一姐」光環後資源大減，為生計連貼地的酒吧騷都照殺！她站在小舞台跳唱又握手，跟台下酒客僅一臂之遙，不過唱一場穩袋約9萬港元歌酬，實行密食當三番，隨時變「酒吧天后」的她直認搵錢至上。
歌手菊梓喬（Hana）在事業高峰期曾是無綫前唱片公司「星夢一姐」，撼低同公司的「至強宿敵」吳若希，於《勁歌金曲頒獎禮》連續3年成為「最受歡迎女歌星」，更兩度在九展舉行共4場、每場容納3,600人的演唱會。不過她其後「失勢」兼過檔HOY TV任電視台「一姐」，可惜有名無實，至完約前演藝工作量少。現已成為獨立歌手的她，過去一年多轉戰內地及澳門搵食，主力舉行巡唱及接商演，近日更被發現連較低檔次的酒吧騷都照接。
網上流出Hana上月在台山一間酒吧開騷的照片，戴頭巾的她站在約12人枱面積的小舞台，一邊唱歌，一邊跟台下觸手可及的酒客握手，由於人數眾多，她忙於應對，唱到連外套跌膊露出半邊背心也無暇整理。不過見觀眾反應熱烈，不停近距離狂影她又派心，她亦唱得開心投入，揮手又360度自轉，表現專業。據行內人士透露，接類似的酒吧騷，唱幾首歌的歌酬約5.5萬至8.7萬港元不等，雖然不少港星，尤其女藝人怕場面混亂而拒接，但實屬快、靚、正的「筍Job」，至於是否覺得紆尊降貴則見仁見智。
隨時升呢為新一代「酒吧天后」的Hana，昨日在尖沙咀的酒吧街舉行歌迷慶生聚會，吸引100位歌迷帶齊燈牌為她預祝11月24日的39歲生日，期間她大唱金曲及切蛋糕，又與歌迷合照及收禮物，場面熱鬧。她受訪時表示：「係最後一年3字頭嘅生日，明年就『20對（即40歲）』，雖然今年發生好多事，但過得開心。」
搵銀照顧另一半
問到生日願望？她除了希望身體健康、青春美麗外，直言最緊要是搵錢：「搵好多好多錢，想買樓，買好多嘢囉！生日當日要去韶關出席開幕禮，仲會唱鄧智偉（音樂人）寫嘅新歌。（想收咩禮物？）現金就得，因為未必知我鍾意乜，費事浪費金錢，最開心年年日日有工開，但生日開工唔加價。」如此直率，問她是否等錢使？她反問：「咁邊個養自己？欠缺金錢。（唔拍拖？）有錢先可以照顧對方。（唔想搵人照顧？）如果生活所需喺對方身上攞，壓力會好大，自己好有能力先畀到幸福人，我由細到大都習慣冇人照顧。」她又指已過了大部分人恨結婚的30歲，加上被過往的5位「渣男」嚇怕，現時任何事也不會着急。
至於緋聞男友吳保錡早前在活動上為她唱生日歌，她大耍太極，指沒有看報道，亦沒有人轉載，似怪責保錡說：「唱生日歌又冇生日禮物都好奇怪。」不過覺得有人祝福也是開心事。再問她目前是否單身，她連「保錡」兩字都避談，只說：「唔想搞到人，大家成日提『嗰個人』又係同行，唔好影響所有嘢。」又多次強調沒有儀式感，所以不愛慶生，保錡亦沒有約她。
做獨立歌手 譚嘉儀即搞巡唱
歌手譚嘉儀今年3月宣布離巢無綫，以獨立歌手身份發展，面對現時音樂市場不景氣，她樂觀面對，上月更舉行離巢後首個《陪著你走巡迴演唱會》橫琴站。前晚則於廣州巡演，換上多套靚裙的她大唱電視劇金曲，有細心的歌迷指在橫琴站歌單抽起TVB劇集《BB來了》主題曲《有了你》，今次在廣州站有獻唱。
甚懂搞氣氛的譚嘉儀，當獻唱《陪著你走》時，邀在場觀眾一齊唱，令整個會場歌聲四起，氣氛十足！事後不少網民留言讚演唱會好睇，亦有些「錯重點」指她手上的鑽飾「好閃」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
