在最後一節中，阮兆祥主持《1圈圈》的初代拍檔樂樂「歸隊」，他們是上午班的拍檔，後來轉做下午班改由天欣和朱菁頂上，大家都讚「祥師兄」十分照顧後輩，經常「請食嘢」。另外播出一班DJ的錄音訪問，陳志雲說：「邀請祥仔加入商台時，酬金一蚊都冇講，多謝佢多年來帶咗咁多歡樂俾我哋。」而阮兆祥的家姐和一班跟隨多年的粉絲後續現身，特別製作了一本精美相冊送給阮兆祥，DJ拍檔則送上其愛隊利物蒲的球衣，並附上DJ朋友們的親筆簽名及祝福，祥仔被爆「眼濕濕喎」。
阮兆祥說：「咁多年來都好錫我，支持我，有啲做女已經跟我，現在嫁咗人，仲有小朋友。咁多年來，太多回憶，多謝多謝多謝！」他透露未來會有較多時間在內地工作，開心今年能完成一個楝篤笑騷和音樂會，計劃會推出新歌。而在商台工作11年，當中帶給他很多歡樂和難忘回憶，他說：「嚟緊希望work life balance……希望明年能騰出多啲時間俾自己休息吓，想去利物浦主場睇波......真係見你哋（DJ朋友）多過見屋企人，真係一星期未必見到我家姐一次，希望大家繼續以嚟正能量同歡樂俾聽眾，心願就係堅持落去。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
