電影在上畫17日後，迎來票房過700萬，實在可喜可賀，不過張繼聰在帖文中都可見心情複雜︰「依條路唔易行🥹感謝每一位入場支持我哋嘅朋友❤️」電影踏入第三周，阿聰都知道映期所限，快將落畫，故也作出呼籲︰「最後一段大直路，希望大家陪我一齊行埋落去」
今日，張繼聰接受《香港01》電話訪問，再次多謝大家的支持︰「700萬得來不易，好感謝每一位入場的觀眾。」而暫停了的謝票活動，今個星期亦將會重啟，好想再跟觀眾見面。談到謝票期間，聽過最感動的評語，張繼聰︰「最開心係從觀眾眼神，感覺到大家睇完部戲感受到一啲力量，亦有人話部戲為自己人生帶來一些啟發及安慰，這正正是希望套戲上映時的初心，而家證明達到咗！」至於可有寄望票房更上一層樓去到1000萬？阿聰稱當然希望，但坦言信心不大︰「都要努力宣傳落去，其實票房最後去到幾多，都係成個團隊努力得來，最緊要問心無悔。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
