MIRROR人氣王姜濤在亞博舉行9場《KEUNG TO"LAVA" LIVE 2025》演唱會昨晚（17日）開鑼，姜濤戴了紅色隱型眼鏡化身吸血鬼及飲紅酒，造型入型入格。演唱會上，他唱《孤獨病》期間一度感觸落淚，用手抹眼淚。之後唱《流浪星球》時二度落淚，今次更加喊到唱不下去，掩住臉背向着觀眾，非常激動，全場觀眾代唱完成，姜濤說：「唔好意思，多謝大家頭先幫我唱，呢個演唱會對我嚟講係一個考試，今日係可以做得仲好啲，希望多多畀意見，台前幕後會聽。呢半年學識好多嘢，我學識好多，會變成Better Man。」然後唱出《Better Man》。
台中端有一個巨型吊臂，姜濤企上吊臂唱出《亞特蘭提斯》、《I Need You In My Li(f)e》和《追愛狂想》，吊臂將姜濤伸向觀眾席環場一周，拉近他與觀眾的距離，K字和T字型紙碎從天而降，營造浪漫氣氛，站在吊臂上的姜濤行來行去，不時烏身揮手冧粉。
心情興奮的姜濤期間問：「開唔開心呀？監製問你哋鍾唔鍾意我呀？」全場大笑，說完姜濤都忍不住笑，續稱今次演唱會有好多情緒和感受想表達出來，事前沒有想過要講甚麼，當刻真心想講就講出來，自言講說話不叻，但用心講的說話應該不失禮。一向寵粉的姜濤在鳴謝環節時不忘多謝「姜糖」表示在心中。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
