無綫小生丁子朗憑《俠醫》做奸角上位，於下月（1月）4日舉行的台慶頒獎禮躋身「最佳男配角」10強，跟金像最佳男配角姜大衛、何廣沛及羅天宇等爭獎，成就解鎖，他更憑奸戲打開內地市場當「反一」，前途無限。
丁子朗2016年19歲之齡參加香港先生成為3料香港先生而入行，2021獲「飛躍進步男藝員」的他演技進步獲得肯定，而這次首度入圍《萬千星輝頒獎典禮》男配角10強，《俠醫》中大壞蛋「鄧世鏗」成為他演藝其中一個里程碑。他接受東網專訪時坦言：「今次有份同金像最佳男配角一齊提名，講出嚟都好威、好型，John哥（姜大衛）每條紋路都會演戲，冇表演痕迹，好似同你傾偈咁，係好好學習對象。」
現年28歲、明年入行10年的丁子朗笑言內心還是新人，對世界充滿好奇的「𡃁仔」，父母對他入圍比他更開心，起初不支持入行的他們已成為他頭號粉絲，每個Po都爭住第一個畀讚，他感動地說：「有日我媽同我講I'm so proud of you，原來網上有個TVB十大熱門藝人榜，我排第10位，男藝人只有馬國明和我入榜，坦白講對其他人嚟講唔算啲乜，但媽媽已經好開心。」
兩年前丁子朗毅然參加男團選秀《亞洲超星團》，外界對他有不少負評，認為不應該參加選秀節目，這負評跟足他兩年：「好多人話我參加超星團得到好多負評，但我得着遠大於失，因為參加選秀打開了眼界，原來有好多條路可以行到目標，好似我認識咗好多內地幕後，又有超星團嘅朋友介紹我去試鏡。」今年丁子朗更正式在內地出道，第一部作品《搏憶》便跟霍建華、黃宗澤有很多對手戲，由於劇集全國語對白，自爆有幾次緊張到爆喊：「因為好想做好，焦慮情緒湧現，打電話畀阿媽，佢都嚇親，佢從未見過我緊張到喊，擔心以為我受到傷害。」在內地半年丁子朗已拍了5、6部劇，現時香港、內地哪裏有工作便做，不介意演反派：「內地啲角色壞人居多，最正係喺海南演緊奸角時，電視又播緊《俠醫》，我就可以邊睇觀眾評語，邊調整細節做好啲。」他又視內地男一為目標，認為路途遙遠，不能一步登天。
曾奪得「男飛躍」獎的他被問到今年是否看好冼靖峰時，他讚對方已超越飛躍：「好鍾意《香港系列之原味道》，佢歌手形象入咗去另一維度，擴闊觀眾層。（佢有機會攞獎？）提名多幾年先，我都提名咗4年飛躍。」至於會否支持緋聞女友郭柏妍爭「最佳女配角」？原本滔滔不絕的他立即封口，表示不敢評論。問到傳過緋聞會有感情分？他說：「仲提？希望佢有新戲，到時會有新嘅緋聞男友。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
