

一名宏建閣的災民,指大火當刻自己的灰色貴婦狗Jason正獨自在家,發文尋狗,而翌日終於傳來消息指Jason獲狗,十分生猛,除了脫水外,身體狀況大致良好,網民都為狗主與Jason感到高興。該狗主又貼出與消防員的對話,並發文:「多謝你哋用你哋嘅生命去救我寶寶。」
原來事件中,也有一位藝人幫手照顧被救出的Jason,她便是出名愛動物的郭秀雲。這名災民貼出一張郭秀雲攬實Jason的照片,攝於27日早上,發文:「我見返Jason嘅第一眼就係咁樣,Sharon坐喺地下,攬實緊佢。Sharon 話見Jason 救返出嚟後喺個籠入面係咁震,見佢好驚又凍,所以攬實佢,我當日唔知道你的名字,好多謝你,郭秀雲小姐。」
網民都留言指對事件一點也不意外,因為郭秀雲素來出名有愛心,大量網民留言指郭秀雲曾接過自己的求助,例如:「郭小姐幫過好多動物,本人都曾經向佢求助過。有受傷的鴿子,浪浪貓,松鼠bb和走失鸚鵡。她佢都會不怕辛苦,凌晨2點都揸車從屋企趕往深水埗幫忙。佢同先生都非常友善客氣又愛護動物,因為親身接觸過。一位愛護動物同好有心,出錢又出力的大美人,值得大家的尊敬和學習。❤️」、「郭秀雲本身係可以過住少奶奶嘅闊太生活,但佢為咗動物權益,做咗好多野好忙呀。」、「郭秀雲真係好好,我第一次救左隻未成年既班鳩b,唔知點算好,好好彩搵到佢,佢特登渣車去元朗接班鳩b,再帶返屋企養大,再放係佢屋企花園放生」網民都大讚她人美心善,感謝她在大埔支援一眾受影響小動物及主人。
1988年華裔小姐季軍郭秀雲,其父親是海洋公園創辦人之一,因此自小對大自然、動物有濃厚興趣。她是「愛護動物協會青少年動物拯救隊」成員、香港海豚保育學會及Bloom的大使、香港野生救援及藍色使命的董事、香港鸚鵡救援創辦人等等,歷年來為爭取動物權益不遺餘力,也向市民灌輸與大自然並存的應有態度。她曾召開記者會,要求政府分階段逐步禁止使用老鼠膠板;今年5月,她又零裝備走出一棟大廈外牆平台,為求助市民勇救鸚鵡,更因而擦傷流血。
本文作轉載及備份之用 來源 source: http://www.hk01.com
|
鍾意就快D Share啦!
|
|
|


