歌手謝霆鋒與張敬軒前晚強忍悲痛在澳門開騷，霆鋒現場籲緊守崗位並兩度鞠躬，張敬軒則臨時改動曲目，憑歌寄意為災民送上祝福。
謝霆鋒前晚起一連兩天假澳門舉行「鋒味搖滾美食節」，除了霆鋒外，前晚還有張敬軒擔任表演嘉賓，兩人均以全黑打扮示人，並就大埔的奪命大火發表感言，霆鋒分別以廣東話及國語表示：「呢幾日大家都知道香港好不幸遭遇到一場令人心痛嘅大火，我哋都捐咗少少錢去災區同畀有需要嘅人，我哋好清楚錢係彌補唔到寶貴嘅生命，但我哋相信我哋只可以緊守自己嘅崗位先可以送出支持同溫暖。」接着他兩度鞠躬多謝支持及關心香港的觀眾，他更相隔25年再次獻唱Beyond的歌曲《不可一世》。
至於張敬軒感性謂過去這星期對香港人來說都不容易，大家要更加珍惜彼此相處及相知相守的時間，他更改變曲目：「以下首歌臨時調動，我以往都比較少唱，希望今晚藉住每位嚟參加嘅朋友，喺呢度將一份思念同祝福獻畀大埔災難嘅朋友，同埋為我哋殉職嘅消防員。喺生活當中，依然有好多身邊嘅屋企人同心愛嘅人好似英雄咁守護我哋。」他憑歌寄意唱出多年前寫給亡友的作品《酩酊天使》，場面感人。
衛蘭傳遞愛
另外，昨日由李克勤及衛蘭擔任嘉賓，克勤透露第一次參與這類型活動，覺得音樂跟美食結合的構思很好，笑言：「我從來冇否認過自己係個吃貨，我都好鍾意食，剛才喺後台都食咗好多。」他獻唱經典歌《紅日》時帶動全場大合唱，炒熱氣氛。而衛蘭前日才完成兩場在東莞舉行的巡迴演唱會，心繫災民的她在台上感觸良多說：「經歷呢件事後，發現咗有好多愛，見到好多喺社區裏面嘅人，一齊出嚟關懷同埋幫忙人，呢件事係感動嘅，當我哋遇到一啲災難或者一啲慘劇，我哋最需要對方嘅愛同支持，喺度傳達愛同安慰畀佢哋。」台下即傳來喝采聲。開騷前，她專程到演唱會的應援區打卡，跟有自己肖像的巨型相框合照。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
