劉松仁指：「某些傳媒以『曾對媽媽心生怨恨』為標題博取點擊，曲解我原意編造出『我媽媽係細房，所以我媽媽好無安全感，佢將所有安全感放曬喺我身上，所以對我管教得好嚴厲，嚴厲到一個不近人情嘅地步。』等不實情節，聲稱我因此心生怨恨，這簡直是胡說八道！我必須鄭重聲明：我從未對母親有過任何怨恨。她一生善良包容，給予我無條件的愛與支持。讓我感動與慚愧是事實。作為兒子，我絕不能容忍逝去的母親被如此誤解與傷害！！！」
劉松仁一向侍母至孝，陪母親走到生命盡頭，覺得很幸福不留遺憾，但他在分享會上就剖白孝順與幸福背後的故事，他透露一家人在約1948年由上海來港，當時爸爸已經有兩位太太，劉松仁指雖然媽媽是「掛名潮州人」，但就有潮州女人順服的「優點」：「啞忍呀，佢做大婆呀嘛。」1949年劉松仁出世，後來家道破落，爸爸離開去了其他地方做生意，劉松仁就與哥哥及媽媽一起生活，他高中畢業後遠赴加拿大留學，但因不適應，所以中途放棄瞞着媽媽回港，適逢當時麗的訓練班招生，劉松仁就決定投考，避免因放棄留學返港而被媽媽斥責，將來在電視上演出亦可以為媽媽掙回面子。
而劉松仁憑着憤怒、冷酷的形象一炮而紅，但他卻不知不覺間將這種脾氣「入咗骨」：「我自己原來被影響到愈嚟愈犀利，愈嚟愈自我，呢個自我帶返屋企，媽媽受晒！我從來都冇考慮過佢，佢有時見我開夜工返嚟佢會煮啲嘢，等我返嚟可以食，我一見到我就板起個面口，『唔食呀！話咗唔食㗎』」但其實劉松仁只是不想媽媽太辛苦：「我只係想阻止佢咁樣做，就用咗我嘅方法，佢究竟感受點我冇理到。」而劉媽媽就一直看兒子臉色，遷就兒子，雙方「相安無事」近30年。
劉松仁坦言自己的「孝順」實則是媽媽幾十年來的包容與受苦所換來，後來他積極修補母子關係，譬如擁抱及行街拖手等，又花不少時間陪伴媽媽：「我有一次去攬我媽媽，我發覺我幾十年未攬過佢，我媽媽震呀，點解震呢？因為佢幾十年都未被男人抱過，佢唔適應。」他提及有次在茶餐廳與朋友聊天，但當媽媽入門後竟怕失禮兒子即離開，令劉松仁不禁反思：「你做過啲乜令到你媽媽怕失禮你呀」。劉松仁直言當時十分難過，而他後期所做的一切都是「補贖」：「唔好以為我係孝順呀，我係幾十年都唔孝順，喺後期有個機會畀我做補贖咁解。我而家畀人嘅印象孝順仔，同我媽媽所謂嘅幸福，係經過幾多年媽媽受嘅苦，去經營出呢個感情，呢一個所謂嘅幸福。」
劉松仁坦言四兄弟所謂的孝順同媽媽幸福的背後，其實是媽媽的包容：「係個心孝順，冇做過任何嘢，净係用我自己嘅方法去做所謂嘅孝順，所以喺佢死咗之後，我曾經講過一句說話，我哋所謂嘅孝順，其實係佢嘅包容。我媽媽係經歷咗幾十年受嘅苦，所以先所謂嘅換來後邊嗰幾十年嘅所謂幸福。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
