藝人張智霖（Chilam）、吳卓羲、高海寧、張曦雯、陳煒、陳瀅、陳曉華、蔣祖曼、龔慈恩、周志康、蔡一智等今日（17日）在澳門出席無綫劇集《璀璨之城》開鏡拜神儀式。劇集開拍一波三折，開拍不久就叫停修改劇本，開鏡儀式日期亦一改再改。拜神儀式後張智霖與高海寧接受訪問講到劇本改動？Chilam透露劇本最大改變是由原本角色全部皆是惡人，到現在變成一正一邪，帶來另一種戲劇效果，而再演反派的他笑說：「喺唔同嘅時期有唔同嘅追求，20幾歲做咗好多正派，到依家就可以嘗試唔同嘅戲路。」
Chilam劇中艷福無邊，與陳瀅和陳曉華等有尺度大膽戲份，在劇中以不同方式折磨人的Chilam說：「所有女性喺我手上都係毀滅，未做過呢啲角色，所以好過癮。」笑指他現實中未能做到這樣？Chilam笑說：「我保持緘默，演戲過癮之處就係可以體驗第二個人生。」
講到太太袁詠儀被指到澳門監場，是否𥄫實他拍攝親熱戲？他笑說：「你哋唔好咁樣誣衊佢，佢好多朋友喺澳門，同埋嚟探班都係請大家食飯。」Chilam又透露劇中的意識大膽場面戲份，就算連電影也未必能夠播出，相信不少鏡頭會剪走，最激的兩場戲要數與陳曉華和陳瀅，高海寧笑說：「陳瀅嗰場正啲。」Chilam則笑說：「多謝佢哋好信任監製，唔關我事。」高海寧則透露戲中被丈夫Chilam精神折磨，但認為精神折磨，比起身體折磨更慘。
此外，Chilam事隔13年繼《衝上雲霄II》後再拍無綫劇，透露試過開工25小時，工作時間相當長，他說：「試吓囉，細個覺得好辛苦，但今次又冇咁辛苦，可能大個咗唔使瞓咁多。」講到網民大讚Chilam保養得好，高海寧則笑說：「你唔好再瘦，喺你身邊好大壓力，搞到我好似大隻咁。」
陳瀅以金髮造型示人，身形也清減不少，為角色由年初開始已經準備，透露今次角色相當大膽，有意識大膽的戲份更要清場拍攝，她說：「監製睇完好滿意，周圍攞啲片畀人睇，搞到我好怕醜，但係睇完嘅人都話，播唔播到㗎。」她指大膽戲份慶幸與Chilam拍攝，拍攝得很舒服，問到怎樣被Chilam折磨？她則說：「精神、情感、觸碰嘅折磨都有！」又直言今次演出是拍劇以來最性感的一次。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
