般費拒絕沙特球會豐厚聘約。(Getty Images)
曼聯今季表現有起色，隊長般奴費南迪斯亦有高水平表現，不過呢位葡萄牙國腳早前離奇「發炮」，直指有曼聯高層想「踢走我」，令般費心靈受到傷害。
般費一直被傳係沙特球會收購目標，據報希拉爾喺今年5月，就曾向曼聯開價8,000萬鎊搶人。般費接受《Canal 11》專訪表示：「喺曼聯角度，佢哋覺得我離隊都唔係壞事，呢件事令我傷心。唔止傷心，我覺得好悲哀，因為我係時刻候命上陣，踢得好唔好都全力以赴嘅球員，但係去到嗰一刻，曼聯覺得錢先係最重要。曼聯想我離隊，我有同一班總監傾過，佢哋冇膽開口叫我走，因為領隊想我留低。如果係我開口話想走，佢哋會好樂意賣走我。」
般費表示自己有好多機會轉會，但因為「愛」而選擇留隊：「我喺上個轉會窗有機會轉會，而且仲可以賺多好多錢。上季我都有可能轉會，唔會話你知係邊隊，但我上季係可以贏好多冠軍。我留隊除咗因為家庭原因，仲因為我真係好愛曼聯，同領隊嘅交談亦令我堅決留隊。」
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
