藝人古天樂(古仔)、林峯、宣萱、郭羨妮、滕麗名、白百何、苗僑偉、洪天明等今晚（30日）於尖沙咀星光大道為除夕上映的電影《尋秦記》舉行首映夜，吸引大批市民圍觀。新片今日正式上映，單日加上午夜場有多達1460場，難怪被網民形容場次密過巴士班次，問到電影預售情況理想可有信心票房破電影《破·地獄》單日紀錄時，古仔謂：「希望，今次好開心，好多人支持，希望票房可以有一個滿意嘅成績。」古仔透露今日將會到廣州進行除夕倒數及謝票宣傳，又指是首次不在港陪伴家人過除夕，問到可會帶同父母一起到廣州？他說：「唔得，我阿爸唔可以行太遠，同埋太多人，廣州宣傳之後都要去佛山、深圳宣傳。」
網民對於古仔和宣萱這對螢幕情侶相當受落，更指宣萱是唯一能治到古仔的人，古仔笑說：「治到我都係佢嘅成就。」宣萱笑說：「我都好自豪，朋友都話睇得好開心。」講到電影熱潮令宣萱過去的唱歌片翻hit，更被網民讚她是被演戲耽誤了歌唱事業，雖然古仔也鼓勵她唱歌，但宣萱卻落閘謂：「唱歌下世先，依家就遲咗少少。」她亦婉拒與古仔、林峯合唱電影主題曲《天命最高》謝票。
林峯透露電影佔據了全國排片量兩成半，感到高興，希望會是一個好開始，更表示一定會包場請朋友睇戲。張繼聰自言隨傳隨到為電影謝票，笑指將自己主演的《金童》拋諸腦後。滕麗名說到有傳因她有份演出而令舊愛郭政鴻冇份演，她說：「開頭都好似話冇我，因為一直都度唔到期，不過因為古生好有誠意，所以公司都放咗期。」郭羨妮被問到可會帶女兒入場睇戲時，她謂：「佢唔鍾意睇我做戲，佢鍾意真實嘅媽咪，因為我係佢嘅friend同Buddy。」講到新片熱潮亦勾起她過去的緋聞，她說：「傳說就由佢，繼續傳說落去。」為電影擔任動作導演的洪金寶首次與3名兒子天明、天照及天祥合作，訪問期間天明的細仔亂入，洪金寶指也期待三代同堂開戲，但相信到時會被孫仔激到嘔血。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
