明奈一直未受艾摩廉重用。(Getty Images)
曼聯領隊魯賓艾摩廉推介改革，今季開始見到成效，不過就被質疑忽略青訓，過去1星期就有3位小將公然「作反」。艾摩廉周五(19日)強硬反擊，批評年輕球員自以為擁有特權，更炮轟里奧費迪南、史高斯等紅魔名宿「教壞細路」。
英格蘭新星明奈今季未受重用，引嚟唔少批評，艾摩廉早前指唔少青訓新星未Ready，更點名奧比馬田、哈利阿馬斯(外借錫周三)同杜比高利亞(外借西布朗)喺低組別都好掙扎。事後阿馬斯同奧比馬田分別自貼得獎同入波片段反擊，明奈哥哥上場更着住「釋放明奈」T恤入場，完全唔畀面艾摩廉。
艾摩廉喺對維拉賽前記者會，對幾位小將行動強硬反擊：「忠言逆耳，年輕球員遇上逆境唔一定係壞事，一味讚賞幫唔到佢哋。依家年輕球員發表對抗球會嘅言論，係因為佢哋覺得自己有特權，而且仲有一班名宿慫恿『冇得落場就轉會啦，因為錯嘅一定係其他人』。」
艾摩廉所指嘅「一班名宿」，矛頭直指最近呼籲明奈轉會嘅里奧費迪南、史高斯同畢特。艾摩廉進一步表示：「我明白呢個情況係環境造成，年輕球員覺得自己有自由用一張相去回應領隊，其實我嘅辦公室大門一直打開，只不過冇人嚟搵我傾，而面對面係解決問題最佳方法，我哋要改變曼聯呢種文化。」
對於會唔會處分明奈，艾摩廉就回應：「着嗰件T恤(釋放明奈)嘅人又唔係明奈自己，佢唔會因為呢位衫而成為正選，亦唔會因為呢件衫而冇得踢，合適時間佢就會落場，我唔會因為明奈屋企人做咗啲事，而要佢接受懲罰。」
最強博彩盤路過關神器《串績王》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
