藝人何佩瑜外表冷艷，但家庭觀卻十分傳統。目標要為摯愛誕下龍鳳胎的她，直言正計劃雪卵，靜待「對的人」出現。她又發起舉家旅行出席胞弟的畢業禮，順便「見家長」，笑言心情份外緊張。
英皇女神何佩瑜（Jeana）早前夥拍26歲內地型男馬小宇，「處女下海」首次演出豎屏劇《約會的資格》，戲中兩人不乏親密接觸，男方更奉旨赤裸騷肌展示Man爆一面！但原來鏡頭背後，Jeana大感尷尬：「佢細我成10年，況且佢整體感覺好似我細佬，加上豎屏劇拍攝方法要我哋企得好埋，唯一比較容易投入就係喊戲，諗番起同細佬嘅聯繫點滴，容易情緒波動。」
現實生活中的Jeana對姐弟戀抗拒非常，多年來她都較欣賞「智慧成熟型」男士。很久沒談戀愛的她打趣心急想拍拖：「身邊好多朋友結婚，係得我一路都遇唔啱。其實搵到個三觀一致嘅人，大家要好好珍惜，真係好難得嘅緣份。」她坦言情愛路上自己曾經於「錯的時間」碰上「對的人」：「我覺得每個前度都係老師，一定喺某啲方面令我有啲得著，例如學識體諒別人。（以前喺野蠻女友？）試過我要出埠一個月，對方有嘢做開會陪唔到我，我攞住豆腐花上佢Office擲到一地都係！」
Jeana很喜歡小朋友，夢想是當「龍鳳胎媽媽」，已屆36歲的她坦言正計劃雪卵留保障：「我依家母愛泛濫，唔知發去邊好呀！同埋我份人比較傳統，想為摯愛傳宗接代，好似我原生家庭咁，父母喺我14歲時『追仔』成功，我細個時湊住細佬出街，都試過畀人以為我係壞女孩做咗未成年媽媽。（同細佬感情特別好？）都係，我試過逼佢陪我睇一部唔係好啱佢年紀睇嘅西片，後嚟講番原來成為咗佢童年陰影！」Jeana胞弟已於澳洲完成了大學課程，下月將於當地舉行畢業禮，她趁機發起family trip，一家四口到柏斯「歎世界」：「成家聚埋一齊唔一定要緊密行程，行吓、食吓、游吓水已經好開心，同埋最緊要係認識我細佬女友，見家長好緊張，哈哈！」
場地提供：Harlan's Bar and Restaurant
本文作轉載及備份之用 來源 source: http://hk.on.cc
|
鍾意就快D Share啦！
|
|
|
