白雲重慶濕身玩水 影片驚現「神秘之手」疑洩蜜
現年37歲的前TVB咪神白雲，一向對自己嘅豐滿上圍引以為傲，曾在綜藝節目《五覺大戰》中擔任神獸天使「講唔猿」，吸引了無數粉絲。自2021年與富二代江俊霖（Kelvin） 離婚回復單身後，白雲行事作風更為大膽，曾推出寫真集盡顯魔鬼身材。近日佢飛到重慶體驗網紅「暴風雨spa」，並喺IG開心Share影片。
片中白雲換上白色三點式泳衣，先喺浴池中央任由水柱照頭淋，之後又行到池邊不停騷手弄姿擺甫士，毫不吝嗇大晒昔日「神獸天使」嘅最強資本，大讚玩意好爽兼爆汗：「重慶超火的暴風雨spa！一個字，爽！5分鐘爆汗，好好玩。」
不過影片最大亮點係尾段突入嘅一隻神秘的手，白雲見狀即對住鏡頭展現甜笑，仲主動伸手拖實對方。呢個舉動令網民群情洶湧，除咗留言大讚Perfect外，更瘋狂揣測呢位人兄是誰，關心白雲係咪已經有新戀情滋潤！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
