昨晚（3/1）黃長興與高鈞賢現身荃灣出席《仁濟慈善盆菜宴》，黃長興在接受《香港01》訪問時表示：「因為本身我有3個小朋友，變咗就會有3倍嘅壓力，咁所以乜都做嘅。其實本身我都唔係好識踢波，但自己就玩開手球，阿叻就叫我試腳守龍門，佢見過我幾次之後，佢覺得我又幾掂，於是就收咗我入隊打龍門。」
對於酬金方面，黃長興表示：「其實又唔係搵好多，可以話係一個參與嘅費用啦，反而我覺得成班人一齊去踢波，去唔同嘅地方交流係好有意義，嚟緊一月中可能會上去。」
作為新手爸爸的高鈞賢，就表示每日照顧女兒感到十分滿足且有意義：「我個女而家11個月，我每日都冇離開過佢，無論做完嘢，我都一定會返去，我係會抱吓佢，錫吓佢。同埋其實佢係好黐我，自從做咗爸爸之後，好多嘢都改變緊，覺得自己好多方面成熟咗，諗嘢都會好唔同。如果日後有爸爸角色可以演，我都唔介意。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
