《萬千星輝頒獎典2025》今晚舉行，一眾女星於紅地氈爭妍鬥麗，高海寧轉玩背部攻勢，以大露背黑色晚裝示人，超好身材的她側身不經意現出波邊，低調性感。同樣以黑色露背晚裝上陣的張曦雯就進取得多，露背之外更胸前中間開窿Deep到落肚臍，估計真空上陣激露半球。而陳自瑤亦玩黑色系，不過就大搞新意思，下胸位置開窿大露南半球，下身則開高衩，全身上下目不暇給。
高海寧表示因之前拍劇無時間揀衫，服飾由造型師安排，笑言不會有「危險」，絕對安全，覺得禮服好靚，穿衣會看心情而定，問她如何形容一身打扮？她笑說：「向視后進發，大家畀啲時間我，一定得，一定成功，今晚就抱住睇騷心情。」
型男陳豪和穿上「中門大開」晚裝的張曦雯（Kelly）孖住出席假澳門舉行的《萬千星輝頒獎典禮2025》紅地氈環節，陳豪早前曾表示如獲「視帝」獎就表演唱歌，受訪時他謂：「準備咗幾首歌，不過畀獎我先啦，（之前出去拉票做乜唔唱歌？）好嘢緊係留到最後。」
胸前大Deep V加大露背的性感Kelly就話：「條裙好安全嘅，不過造型師係最後一分鐘先畀條裙我，同埋只有一件，所以係冇得揀，否則冇衫着，最初都唔係好接受到，但最後都決定大方着出嚟，我就最擔心嚇親婆婆，因為佢係無綫嘅忠實粉絲，佢成日都問點解啲女仔着成咁。」不過她有信心不會被長輩鬧，因為婆婆只會讚外孫女靚。問到同行的陳豪面對Kelly可會目不斜視？他就大讚：「佢有咁好身材，好似Model。（咁有冇望呀？）Model應唔應該望呀？頒獎禮咁五光十色都係因為佢之嘛。」
每次都不會令人失望的陳自瑤（YoYo）亦令人驚艷，其晚裝心口開窿露出堅挺「南半球」，令人目不轉睛。問到YoYo一身超性感，她說：「呢條裙高貴、有女人味，又能夠展現女性美態，（『咪咪』係咪要呼吸呀？）又唔係，其實我未着過呢款『中胸裝』，所以都想畀自己同觀眾新鮮感，咁我都係盡豐胸代言人嘅責任，（條裙易唔易走光？）安全措施做足架啦，不過件衫都幾難Handle，自己還可以啦，（之前係咪要做豐胸做好準備？）都有做Treatment，不過呢排做多啲同密啲囉，希望個胸形再靚少少。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
