《2025年度叱咤樂壇流行榜頒獎典禮》現正舉行，典禮特設環節向已故方大同致敬，並邀請了過去跟方大同合作的音樂團隊演出《Love Song》、《因為你》等歌曲。
英皇歌手Gin Lee（李幸倪）先擸歌曲獎，憑《白夜行》勇奪叱咤十大第9位，她發表感言指：「祝大家新年快樂，多謝電台DJ朋友，多謝公司EEG畀自由我，多謝楊博士，及公司上上下下同事，多謝大師兄謝霆鋒作曲監製首歌，正如首歌所講，每一日面對好多挑戰掙扎和困難，2025年經歷唔易，一人好難行，並肩同行祝2026年更好，平安快樂。」
緊接馮允謙（Jay）憑《吉卜力》獲得第8位，他上台時表示：「今年有好多好嘅作品，攞到十大歌曲好感恩，希望新一年充滿希望及和平。」第6位則為陳柏宇的《我所看見的未來》，他上到台時直言：「唔好咁嚇我，大佬！」他指由第10位數到第8位，但一直都不是自己時已打定輸數，坦言：「冇一年試過咁想攞獎。」他停頓了一下，作為兩女之父的他續說：「爸爸攞到第6位。」並向兩名愛女及太太符曉薇大講「I love you」他多謝曲詞編監及同事，又指：「首歌唔係一個寓言，係一個承諾，無論前景逆同順我都會陪你一齊過。」
第5位為The Hertz的《逆旅》，他們接過獎項後笑言：「原來個獎好聚手。」直言雖然做獨立音樂人很困難，但今時今日都會繼續堅持，又多謝聽過他們音樂及幫助過他們的每一位，揚言：「冇你冇今日我哋。最後想多謝香港仲有咁多唔同獨立音樂人，有聽眾們願意接納我哋，我哋先可以玩落去，同埋多謝家人。」
泳兒則憑《無糖可樂》奪第4位，穿低胸連身裙爆乳上陣的她，一度露出乳貼，不慎走光。她發表得獎感言時亦一度爆喊，場面感人。上到台時表現激動，眼濕濕兼語帶哽咽說：「今年係我入行20年，真係一個唔短嘅時間，見到好多並肩作戰嘅隊向其他路向發展，得我仍留守喺度，我都好質疑自己仲有咩可以畀到大家，同繼續保持初衷。」她指覺得自己不應該被年齡困擾，她高呼：「中女有佢行嘅路，中女都有資格追求夢想。」獲全場拍手，她大叫：「Yeah！」雖然音樂已經響起，但泳兒仍繼續發表謝詞，她感謝公司同事及老闆：「冇你哋畀機會我，我唔會有今日，多謝你哋嘅栽培。」當她唱畢後，她多謝另一半，表示：「有佢先可以有呢隻歌，佢畀咗好多情緒價值我。」
第3位由首次打入「十大」的魏浚笙憑《白色踢白兔》捧走，他表示：「多謝公司唯一嘅老闆即係我另一半芙蓮，雖然佢叫咗我唔好再喺台上講芙蓮講l love you，但芙蓮I love you。」第2位，由相隔3年再踏上《叱咤》頒奬禮舞台的謝安琪，憑《50/50》得獎，講到一度哽咽的她，咳了一聲走了音，她說：「喺呢個時候，呢首歌加埋得呢個獎，個獎好激動，因為，今年我諗自己同埋香港人經歷好多同失去好好，呢首《50/50》係講陷入40幾歲嘅年齡危機，好有無力感，我嘅身體、狀況都叫我唔好做咁多嘢咁，我都掙扎咗好多事，今年終於完成咗，首歌畀咗感覺和鼓勵我，雖然有首歌陪我，呢一刻個獎好有意義，大家一齊經歷要力氣，多謝仲好在音樂嘅你哋，2026年會更好。」而她上台領獎時，歌曲作曲人林家謙興奮地在台下拍片。
幕後獎項方面，黃兆銘獲「叱咤樂壇編曲人大獎」，黃偉文獲「叱咤樂壇填詞人大獎」，前女圑Super Girls成員Yanny的未婚夫陳考威則獲「叱咤樂壇監製大獎」，他在台上表示：「去年太緊張忘記多謝家人，佢哋畀咗好自由度同支持我，最後多謝Yanny。」
至於歌手林家謙雖然未獲10大歌曲獎，但仍斬獲作曲人大獎及唱作人金獎，他表示：「好開心，多謝搵我寫過歌嘅朋友們。」又預告今年未必可以寫太多歌：「創作上需要抖抖，未還晒歌債，因為創作人需要休息下，我都需要。」同時獲得唱作人金獎，他上台時略顯緊張，他坦言：「我好驚，以為唔係我，我睇社交網話唔係我，我係咪要唱歌？」他多謝所合作過的創作人、公司團隊及家人。唱作人銅獎由馮允謙奪得，他感謝唱片公司：「由我入公司第一日，公司一直以來好鼓勵我創作，又畀好大空間我發揮，多謝今年合作過嘅監製，我會繼續創作及努力。」
生力軍女歌手方面，銀獎得主為盧慧敏（Amy Lo），她表示：「多謝我香港嘅屋企人同支持我嘅人。」而COLLAR 成員Day獲銅獎，她多謝隊友COLLAR及陪伴同行的粉絲。生力軍男歌手方面，銅獎為Heison郭澧羲，銀獎為Edwin Tong，金獎為Regent林暐竣。而生力軍組合，銅獎為Honey Punch，銀獎為晚安莉莉，金獎則為IdG Bubbles。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
