感性演繹《你是你本身的傳奇》唱盡高低得失人生寫照
現年40歲、被捧為《中4》「顏值擔當」的「斜槓媽媽」可嵐，以《你是你本身的傳奇》回歸《中年》舞台，成功斬獲5燈。可嵐充滿故事性的演繹，令出名閹尖、更一向著重參賽者演繹歌詞技巧的周國豐亦讚不絕口：「頭先特別有幾句，你好真心地唱嗰幾個字，『高與低、得與失，即使無法躲避，你是你本身的傳奇』，我總相信機會係留畀準備嘅人，而你係機會留畀再準備嘅人。」
張佳添拋豪言睇好可嵐：好多人將會知道邊個係可嵐
海兒：「我覺得你把聲好似一個Disney Princess，你唔單止把聲有魅力，亦好有舞台魅力，I can’t take my eyes off you.」肥媽：「佢真係有星味，好靚，成件事好舒服。」張佳添則讚可嵐唱出了閱歷：「《中年》點解咁成功，因為每一個需要Second Chance嘅人就喺呢度可以發揮，你頭先首歌係唱緊你自己嘅故仔，你將你咁多年唱歌嘅靈魂一次過攞晒畀我哋，依家好多人將會知道邊個係可嵐。」其實「高與低、得與失，即使無法躲避」亦確實是可嵐真實寫照。
可嵐的歌手夢由2005年參加TVB全球華人新秀歌唱大賽開始，2008年正式出道做歌手的她，曾推出個人單曲《愛麗絲》、《匆匆一生》等，並曾憑《安全感》勇奪《CASH流行曲創作大賽》冠軍，可惜之後便一直沒有代表作。2010年，可嵐展開了第一段婚姻關係，最終因遭受家暴離婚，幾經轉折才於2022年展開第二段婚姻重過新生活。演唱結束後，可嵐在後台與凍齡「餅印」媽咪溫馨互動，畫面暖爆。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
