唐詩詠曾被男友背叛
唐詩詠一向予人「乖乖女」的感覺，但她就自爆以前拍拖時比較容易發脾氣，更曾試過當街發脾氣，事緣她懷疑男友與另一個女仔有聯絡，後來發現男方的確與前女友復合，令她大受打擊：「我記得我喺個公園度喊咗一晚囉，喊到朝頭早五點我記得。」唐詩詠透露喜歡有幽默感的男生，而且十分相信第一感覺：「如果咁啱係嗰個人，然後佢同我講咗嘅話呢，佢唔使做好多嘢我都可能就會一齊。但我可能冇經過相處好耐，究竟佢嘅性格同我啱唔啱，總之我個feel，我感覺係有嗰樣嘢，我就會去囉，有啲戀愛腦。」唐詩詠自言從未親眼目睹過男友與其他女性在一起，就算發現對方偷食都只是間接證據，她亦從不會哀求挽留對方，但雙方就會陷入冷戰，直至決定徹底分手。
唐詩詠拍戲竟遭男星嫌棄：揈開我隻手
此外，唐詩詠亦分享了過往拍劇遇到的不快事，她透露曾遇過一位好差的對手，兩人更飾演情侶：「我記得係我哋講拍拖啦，要拖手，拍完之後佢就……揈開我隻手，我嗰吓就『咦，發生咩事呢？』」唐詩詠憶述在拍攝前兩人曾討論如何拍攝及投入角色，但未知是否她的話惹對方不滿，開拍後對方一直態度欠佳，而她就決定以牙還牙：「我都唔同佢有眼神接觸，直頭冇接觸，通常導演會話嚟對戲，咁唔對啦，佢就係一個需要對戲嘅人嚟嘅，我話唔對喇，我照講返我嗰啲，耐咗之後佢就唔得囉，佢就點都要同我傾偈先至對到戲囉。我咪用返你嘅方法去對返你囉，你OK咪OK囉。」她更笑言反而激發了她的鬥心，做足功課。雖然三位主持都好奇該位男星是誰，但唐詩詠就未有透露對方身份。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
