許靖韻與羅啟聰沒有聯絡
許靖韻今日（13/1）現身港台出席節目《中華知識王2》錄影。對於前男友羅啓聰涉嫌販毒被捕，許靖韻接受《香港01》訪問時表示：「其實我同佢分咗手都好耐，你問我有咩感受，我真係冇，因為太耐。（分咗手都係朋友！）分咗手都冇乜點聯絡。（話晒都係前度，唔會有疑問佢點解販毒？）嘩，我真係完全唔知。」
許靖韻與羅啟聰分手超過十年
被問到拍拖時，對方經濟已有困難？許靖韻表示：「太耐時間唔記得。不過其實知道咗佢出咗事之後，我係冇帶任何情緒，就係好似睇一篇報道咁樣，因為同佢認識實在太耐，所以好多嘢都唔記得晒。（同佢相處佢為人係點？）都太模糊，（同佢拍咗幾耐拖？）其實報道話我哋拍咗3年拖，我記得係冇咁長。（分咗手幾耐？）其實我唔係好記得，但其實都有十年嘅時間。（佢有冇兄弟姊妹？）有嘅。（佢係家中經濟支柱？）我真係唔知，實在太耐。同埋我亦唔知佢而家嘅經濟狀況。（分手後有冇聯絡？）冇聯絡。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
