出爐「最佳男配角」何廣沛自從與未婚妻一同生活後，對方的愛犬「柴太」便成為家庭新成員，「一家三口」共同生活了3年，他因為「柴太」克服了鼻敏感，還受到啟發拓展寵物生意！
藝人何廣沛兒時經常去舅父家和6、7隻狗狗一起耍歡，他透露媽媽害怕寵物太過熱情，故屋企一律不准養寵物，因此到舅父家成為最開心的童年回憶。現時5歲多的「柴太」本身是未婚妻的愛犬，廣沛表示對牠的第一印象是有點害怕，一來初次養狗，二來本身有鼻敏感，顧慮不少。不過，「一家三口」共同生活後，他搜尋了很多有關鼻敏感人士養狗的資訊，通過加強洗鼻及清潔家居，終於成功克服敏感。
廣沛透露養狗的另一個挑戰便是改變自己的壞習慣：「好似以前會坐地下喺茶几食嘢，有咗『柴太』之後就唔可以，因為茶几好矮，唔想佢食咗人類食物，都係乖乖返飯枱食嘢，擺嘢都整齊好多，擺位方面要諗埋佢。」他表示「柴太」出名乖巧，每天早上都會在地上靜候主人起身，只有主人睡醒之後才會跳上床：「我一日唔起身佢就唔起身，我起身佢就鬥快同我一齊跑出房，有陪伴嘅意思，真係好有耐性、好乖嘅小天使。」提到愛犬的名字，原來有個小故事，未婚妻誤以為品種「柴犬」是狗名，錯有錯着便稱呼牠為「柴太」。
搵同行聯手拓財路
愛犬更啟發廣沛於去年投資6位數經營寵物清潔用品生意，他發現香港製造的寵物清潔用品不多，便決定自行找香港化驗所研發適合本地天氣和生活環境的產品，他說：「第一次做老闆跌跌撞撞，好多嘢唔識，上網做好多資料搜集，之前膽粗粗第一次擺市集，反應都唔錯，幾感動！」藝人馬貫東經營寵物美容，黃嘉雯就經營寵物酒店，廣沛表示大家各在不同範疇，沒有衝突，甚至可以合作。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
