打邊爐最高境界：無視成枱肥牛
講到食素最怕什麼？當然是朋友聚會叫「成枱肉」！敖嘉年笑言自己早已練成「百毒不侵」的功夫。當朋友大叫「冇鴛鴦鍋點算？」或者投訴餐廳沒有素食標籤時，敖嘉年反而是一臉淡定：「唔緊要！你哋食你哋嘅，我喺側邊烚菜就得。」
試想像一下，朋友們正在興高采烈地淥緊手切肥牛、黑豚肉，油花四濺，而敖嘉年一個人在那個充滿肉汁精華的火鍋的角落，默默地烚他的唐生菜、菇類和豆腐，畫面實在有違和感。他笑說完全不介意：「啲朋友話『掂到肉喎』，我話唔怕啦，又唔會死嘅！最緊要大家食得開心，我食一餐半餐冇問題。」這種「眾人皆醉我獨醒，眾人食肉我烚青」的境界，認真高深！
由「食淨麵」開始
敖嘉年透露轉食素全因家裡的愛貓，當年寵物離世令他感到難過，於是萌生戒肉念頭。但要由雜食變全素談何容易？他自爆最初是靠「執死雞」過渡：「譬如去飲宴有龍蝦伊麵、炸子雞，我就叫朋友食晒啲肉佢，我負責食啲麵同白飯。」久而久之，腸胃習慣了清淡，見到肉反而沒了慾望。
對於身邊好友，敖嘉年亦採取「佛系推銷法」。他笑指絕不會逼朋友食齋：「你愈逼佢，佢過兩日反彈食返雙倍肉咪仲衰！」但他會向有濕疹的朋友入手，建議他們試試「清腸胃」，結果不少朋友真的因此改善了皮膚問題。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
