朱鑑然難忘與一眾前輩演戲︰「眼前咁多由細睇到大嘅明星出現」
電視劇《尋秦記》於2001年播出，當時朱仔朱鑑然剛從外國回港，只有12歲，正忙於追回香港讀書的功課又要兼顧游泳隊訓練，所以當時未有欣賞，加上自己角色算是全新，可有揣摩怎去演？「電影在2019年拍攝，當時新入行冇耐，所以拍攝時會緊張及壓力大，有一刻諗過自己係演項羽，即係一位歷史人物，要點樣演呢？但諗深一層，項羽父親並唔係項少龍，即是角色都係虛構，所以覺得只要故事發生甚麼事，自己怎去應對就可以。」
雖然兒時冇看《尋秦記》，但就有看過宣萱媽媽套《美味天王》，所以對一眾香港演員都有認識，而當見到每個人活生生在自己面前出現，感覺是非常難忘︰「眼前有咁多由細睇到大嘅明星出現，然後仲要跟佢哋演戲，難以置信的感覺好強。」
宣萱當初想知邊個演項羽︰「個仔似唔似我哋先？」
對於宣萱而言，項羽這角色意義重大，因為即是自己的兒子，而最令宣萱關心是由誰去演，似唔似？「個仔似唔似我哋先？到知道係佢後都放心，因為視覺上都合理，起碼觀眾唔會覺得唔舒服。」朱鑑然即向記者追問︰「有冇唔舒服？」
而為了營造一家人的關係，電影拍攝時，拍下不少家中相處的細節，可惜因為片長同節奏關係，最後都無奈要剪走。宣萱︰「係有啲可惜。有埋就可以睇到我哋屋企之間的相處，老公（項少龍）仲有煮心形牛扒畀我哋食，睇埋會開心啲，觀眾都可能想睇多少少。」朱鑑然就希望日後可以在其他渠道重溫。
宣萱幫朱鑑然趕走古天樂︰「你唔好企喺度你行開」
戲中是自己媽媽，不過對朱鑑然而言，最有感覺一刻反而是戲外。朱鑑然︰「有場戲，我有一句對白，講嚟講去都講得唔好，當時老闆都喺度睇住。」結果愈睇就演得愈緊張，一直未達要求。於是身旁的宣萱慈母上身為寶兒擋駕︰「佢撓起雙手望到實喎，然後我叫佢擰轉頭︰『哎呀，你唔好企喺度你行開啦，畀到壓力人呀。』佢唔使鬧人，企喺度已經好驚。」就是這樣，宣萱成功趕走古生。
但原來故事未完，朱仔分享指，原來古生都係唔放心，選擇站在遮光板後面偷看，「佢以為我睇唔到，但其實睇到佢對腳。最後NG了6、7次終於完成，不過最後好似剪走咗。」到底這句令朱仔動魄驚心的對白是怎樣？朱鑑然︰「大約係話︰『娘親，我哋都係聽從阿嗲指示，因為大王有何差池，我們性命不保呀。』當時自己未掌握到古裝對白的腔調。」幸好最後都叫順利完成，問到當時可感受到一份母愛？「有呀！有呀！有呀！」朱仔連番承認。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
