視帝王浩信自離巢邵氏往內地發展後，工作機會甚多，簽了內地經理人公司的他，先後拍了多部劇集《黃雀》、《砵蘭街行動》、《紫色大麗花》、《生而有翼》等，先後跟內地及台灣多位好戲之人秦嵐、賈靜雯、趙又廷等合作，除了電視劇，浩信亦有拍攝電影，繼之前拍完網絡電影《重出江湖》後，剛剛他亦開拍內地電影《香港奇案》，日前劇組在珠海開機，而不少香港藝人如蔡潔、林子善、張建聲及岑珈其等都有份參與拍攝。
浩信接受東網獨家訪問，對於再次跟舊拍檔蔡潔合作，他謂：「我同蔡潔合作過好多次，但戲份未試過撞得埋，今次算係第一次合作，第一日開工大家都拍得好順暢，我都好耐未試過用廣東話拍劇，好有熟悉嘅感覺，見番好多舊同事都好開心，今次呢套係網絡電影，但其他內容就唔可以講住。」之前浩信拍的劇集有不少動作戲，更令到他先後手骨及肋骨骨裂，他坦言:「今次呢個角色打嘅場口唔多，但上年累積嘅傷患都係康復當中，未完全好番晒，好多都係勞損同肌肉唔平衡，正常郁動係OK嘅，但激烈啲嘅動作就未可以做住。」
除了演戲，浩信近年都重返樂壇，不斷推出新歌及開音樂會，入行21周年的他，繼上年7月於內地開完音樂會後，稍後5月30日亦會於廣州舉行演唱會，他又謂：「今年上半年都喺劇組多，都會抽時間為演唱會綵排，我都會繼續做新歌，希望大家感受到入行係歌手嘅我，到依家對音樂仲係有一份誠意。」浩信表示已錄了3首新歌，各有不同風格，自己亦比以前多了很多想法，寄望跟樂迷及粉絲分享。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
