歐倩怡提新歡笑唔停 男方周身肌肉勁運動型：體能好好 #歐倩怡

歐倩怡（Cindy）自去年與郭晉安離婚後，生活多姿多彩，早前被媒體拍到與一名成熟男士親密互動，到在停車場與一名高瘦、禿頭男子甜蜜蹺手，兩人上車後態度親 ...

歐倩怡（Cindy）自去年與郭晉安離婚後，生活多姿多彩，早前被媒體拍到與一名成熟男士親密互動，到在停車場與一名高瘦、禿頭男子甜蜜蹺手，兩人上車後態度親暱，對話不斷。 隨後大陸媒體起底，稱男方姓簡，為連鎖補習社創辦人，身家逾1.2億，但歐倩怡澄清對方只是普通打工仔，並非富豪，事件引發網上熱議。

歐倩怡大讚新歡周身肌肉。（陳順禎攝）



歐倩怡大讚新歡周身肌肉。（陳順禎攝）

歐倩怡今日（26/1）現身尖沙咀出席HOY TV 首個素食旅遊資訊節目《橫素全中國》首播宴，接受《香港01》訪問時表示：「我哋仲了解中，你知我而家年紀唔後生，所以要再睇真啲。（仲未完全確立關係？）都係㗎。（未確立都可以做男女朋友做嘅事！）其實真係少，但唔講，哈哈。」

被問到對方吸引的地方？歐倩怡表示：「可能係大家臭味相投。（佢年紀多大？）佢係勁運動型，仲要係全身肌肉。（佢係健身教練？）又唔係，等我賣吓關子先，但佢體能係好好。（佢俾自由度你好大？）佢係好大嘅，大家都可以各自努力工作，去係追求自己嘅目標同埋理想。」



歐倩怡今日現身尖沙咀出席HOY TV 首個素食旅遊資訊節目《橫素全中國》首播宴。（陳順禎攝）

本文作轉載及備份之用 來源 source: http://www.hk01.com

鍾意就快D Share啦！

下一篇 》