熱爆娛樂: 尋秦記電影｜古天樂親解蔡一智加盟原因　自爆有方法令佢必去謝票 #古天樂 #蔡一智

2026年1月30日星期五

尋秦記電影｜古天樂親解蔡一智加盟原因　自爆有方法令佢必去謝票 #古天樂 #蔡一智

電影《尋秦記》上映已經一個月，票房亦達至8000萬，不過身為總監製及主角的古天樂，依然馬不停蹄做宣傳。日前便去到叱咤903，少爺占及阿奴主持的《聖艾粒LaLaLaLa》，被問到今次有不少新加盟的演員，當中咩原因吸引他揀蔡一智演忠臣萬良一角？古生講到其中一個原因原來關頭髮事。

日前古天樂便去到叱咤903，少爺占及阿奴主持的《聖艾粒LaLaLaLa》接受訪問。（影片截圖）

對於揀蔡一智的原因，古天樂首先覺得阿智個樣其實幾古裝。「啲頭髮已經自己搞掂啦，唔使Gel頭，好真嘅一樣。」不過更切合的原因是其特質跟角色相似。「個角色係個好思縮嘅人，佢有呢種感覺。又忠心，好有呢個感覺。」

蔡一智在戲中飾演忠臣萬良。（《尋秦記》電影劇照）

古生覺得蔡一智個樣好古裝人。（影片截圖）

而其散發的思縮感覺，都好迎合角色。（影片截圖）

而向來出名主動出席謝票的古生，問到點樣先可以邀請到他現身？古生就講出一個必勝法︰就係你要識得古媽媽。古天樂︰「嗰日阿媽生日，佢同我講『我有10個朋友包場，你可唔可以10場都同我去謝晒票？』我話︰吓！10……10場？」雖然冇再講下文，但向來孝順的他，應該呢10場都冇走雞。

古生講到被媽媽要求去10場包場。（影片截圖）

本文作轉載及備份之用來源 source: http://www.hk01.com

鍾意就快D Share啦！