卡域克獲曼聯投以信心一票。
曼聯聘請卡域克做看守領隊後，第1擊就清脆擊倒曼城，球隊上下對今季前途信心大增。據報卡域克亦獲曼聯高層信任，冬季轉會窗獲「開水喉」增兵，目標直指祖奧高美斯同希頓赫尼兩位年輕中場，轉會費合共約7,300萬鎊。
轉會權威羅曼諾爆料：「曼聯今個星期召開轉會會議，卡域克亦會參加，佢唔做最後決策，但經過強勢開局，佢會參與討論，睇下係咪喺中場或前鋒位置增兵。」英國傳媒報道，獲卡域克力捧嘅中場新星明奈，已鐵定繼續留隊，取消1月外借嘅計劃。
據英國《每日鏡報》消息，曼聯喺冬季目標落喺中場位置，效力狼隊嘅祖奧高美斯自季前已經係「紅魔鬼」考察對象，問題係佢嘅轉會費高達4,300萬鎊，如果曼聯真係想要人，會以「先借後買」方式完成交易，等夏天先「強制性」買斷，但要面對利物浦、拿玻里同馬體會等球會競爭。
另一目標就係由卡域克提出，佢喺米杜士堡嘅舊部希頓赫尼，呢位23歲新星係中場創造者，係米杜士堡目前喺英冠「衝超」嘅核心人物，卡域克2022年執教嗰陣一手將佢捧紅，轉會費約3,000萬鎊。不過，曼聯可能要先賣人套現，約舒亞舒克斯同曼紐爾烏加迪都有機會被放走。
分析指，曼聯擊敗曼城一役，不但重現魔性，最重要係聯賽進佔第5名，如果能夠保持好表現，大有機會取得歐聯席位，來季將可獲得至少5,000萬鎊收入(約5.23億港元)，並且重新獲得贊助商1,000萬鎊獎金，成為曼聯增兵最大動力。
最強博彩盤路過關神器《串績王》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
