曼聯陷分裂(Getty Images)
曼聯解僱魯賓艾摩廉，事出突然，炒魷前球員未獲通知，據報事後曼聯更衣室分裂成兩派，共12名球員支持艾摩廉並送上祝福，另外9人保持沉默，當中明奈同利辛度馬天尼斯都唔妥艾摩廉。
英國傳媒報道，艾摩廉被炒後，至少有12名球員不滿高層作此決定，紛紛在社交平台上向艾摩廉表達感謝，包括隊長般奴費南迪斯、柏德列多古、班捷文施斯高、達洛治、哈利馬古尼、馬菲斯迪歷特、阿密特迪亞路、麥比奧莫、美臣蒙特、勞基梳爾、艾頓希雲同約舒亞舒克斯。
其中班捷文施斯高、柏德列多古同約舒亞舒克斯都傳過同艾摩廉關係唔好，但3人都不計前嫌支持佢，據說原因係艾摩廉人緣好。
不過另邊廂至少9名球員保持緘默，計有比恩迪亞、湯希頓、辛尼拉文斯、明奈、杜維爾馬拉西亞、利辛度馬天尼斯、馬沙拉奧、曼紐爾烏加迪同奧比馬田。
其中傳聞利辛度馬天尼斯曾經與艾摩廉爆發激烈爭吵，而明奈一直被艾摩廉打壓，艾摩廉被炒後，佢喺一個嘲諷艾摩廉領取巨額賠償金嘅帖子按讚，曼紐爾烏加迪曾經係艾摩廉士砵亭時期嫡系，但睇嚟兩人已經反面。
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
