曼聯屬意由名宿出任臨時領隊。(Getty Images)
紅魔有難、八方支援！曼聯再一次陷入換帥風波，一眾名宿義不容辭出山救亡，費查率先成為看守領隊後，上年掛靴嘅莊尼伊雲斯即刻回歸擔任助教，而蘇斯克查、卡域克同雲尼斯達萊3大名將就請纓做臨時領隊，其中同蘇斯克查談判已經展開，呢位挪威教頭有望再度接掌曼聯。
曼聯歷來出產無數名宿，球會有難自然得到各方聲援，近年先後有傑斯、卡域克、蘇斯克查、雲尼斯達萊同依家嘅費查，喺換帥過渡期「頂住先」，呢個傳統亦繼續維持，《曼徹斯特晚報》證實曼聯已同蘇斯克查、卡域克及雲尼斯達萊接洽，希望搵人教到季尾，等到夏天再聘請正式領隊。
3位候選人過去都曾做曼聯領隊替工，卡域克喺2021年執教3場有2勝1和，雲尼斯達萊喺2024年領軍4仗亦有3勝1和，而蘇斯克查喺2018年最初接替摩連奴做看守領隊，期間表現出色而獲得「轉正」，轉會權威羅曼諾指曼聯同蘇斯克查會談正面，該挪威教頭已經OK，只等待曼聯作出決定。
至於臨危受命嘅費查，周四(8日)凌晨首度領軍作客般尼前，證實上年退役嘅莊尼伊雲斯回歸客串助教：「伊雲斯同曼聯有深厚聯繫，佢熟悉呢班球員同環境，會受到大家歡迎。」對於成為曼聯領隊，費查亦表示：「我做重要決定前都會同費Sir傾，我得到佢嘅祝福，為曼聯奉獻最好係我每日嘅信念。」
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
