選秀節目《全民造星VI總決賽》齊集人氣王姜濤、組合COLLAR及歌后李幸倪等，卻被擔任評判的焦點人物古天樂「騎劫」，除ERROR成員阿Dee及保錡圍住他氹氹轉「自肥」外，連參賽者及主持亦冧爆，更有觀眾揚言：「為古生而睇比賽！」
《全民造星VI總決賽》前晚在澳門舉行，嘉賓包括MIRROR人氣王姜濤、女圑COLLAR、男圑ERROR成員阿Dee及吳保錡、導師李幸倪（Gin Lee），以及擔任評判的韓團少女時代成員孝淵等。同為評判的古天樂（古仔）甫現身即成為全場焦點，感冒剛愈的他賽前受訪時，得悉他主唱的《尋秦記》主題曲《天命最高》被網民剪輯成不同語言版本即大讚有創意，笑言有機會再戰樂壇。
比賽期間，古仔將其急才及口才發揮到極致，主持強尼問候其身體狀況時，他即將寫上「古天樂」的名牌翻轉成「項少龍」，並舉起名牌說：「你講咩？我聽唔到！」強尼改口以「項先生」稱呼。及後阿Dee與保錡訪問他，問到覺得參賽者要具備甚麼條件，他說：「要有自信，你咪冇自信囉！才華都好重要，但可能係天生有關。」阿Dee感激古仔關注他，又趁機「自肥」掏出戲飛要求他簽名，在旁的孝淵睇到笑瞇瞇。
其中一名參賽者是歌手陳葦璇的40歲男友陳頴業（Yip），古仔問及他若勝出亦不組男團的想法，，Yip表示會考慮電視台任何空缺或幫忙訓練男團，古仔點頭大讚：「你一定要做落去！香港好多台前幕後啲嘢都要靠你！」Yip感激回應：「靠你呀！古生！」
至於「大師兄」姜濤為節目打頭陣，分享說：「比賽從來都係殘酷嘅，過去咁多年、咁多屆，有人留低、有人離開，有啲人畀人記得，有啲人畀時間沖淡，而我哋唯一可以做嘅，就係珍惜喺舞台上嘅一分一秒，盡量做好自己，用作品說話！」又跳唱新歌《Boulder》，賽後他在社交網表示要好好休息，寫道：「潛水了Bye~」Gin則跟11位參賽者合唱《多謝你自己》，事後上載合照並說：「功成身退，終於卸任了。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
