▲曾志偉卸任TVB總經理一職。
【曾志偉 / 萬千星輝 / 總經理】《萬千星輝頒獎禮2025》昨晚（1月4日）在澳門舉行，壓軸頒發萬千光輝榮譽傳奇獎予總經理（節目內容營運）曾志偉，同時在志偉在台上宣布卸任總經理一職，謙稱江郎才盡。
但志偉並非完全離開電視廣播有限公司（「TVB），在志偉宣布離任後， TVB即向傳媒發新聞稿，宣佈曾志偉將於今年1月21日起由現時職位，轉任新成立、專責就新節目內容及策略方向向董事局提供建議的諮詢委員會召集人， 表示：「曾先生將憑藉深厚的行業經驗與對內容創作的獨到洞察，就新技術應用及跨界策略合作提供策略性建議，持續推動TVB內容生態發展。
曾志偉卸任TVB總經理︱曾志偉《萬千星輝頒獎典禮》獲榮譽傳奇獎 宣布卸任TVB總經理：江郎才盡
曾志偉卸任TVB總經理︱共請辭5次
志偉接受媒體訪問表示：「5年都唔長唔短，自己可以做嘅七七八八，我亦都培養到一班可以接到班嘅同事。我返嚟同大家分享，大家都好了解，佢哋都好明白我返嚟想做咩嘢。」
他稱5年前的1月21日正式成為總經理，所以今個月的21日將會是他卸任日子，但公司一直游說他留下，笑稱「辭咗5次職」，自言在頒獎禮宣布是最合適的時機。
他透露個多月前開始在休假當中，但仍每周回TVB開會，說︰「我想同TVB做未來嘅嘢，我喺電影界一直都係想做新嘢，好似TVB依家做AI，都係我舊年叫同事做。出面發生咩事，TVB未來係可以雙線去行。」
曾志偉卸任TVB總經理︱將回歸電影圈
志偉否認因健康問題辭職，而是不習慣的問題做行政工作，要經常準時早上開會，笑稱自己習慣下午2時才出現，而且行政工作、定時定候的會議是他最不喜歡的事，自己最愛是度橋。
他直言自己一直拍電影習慣自由，因為拍電影可以自己選擇不拍，或自己拍完之後選擇休息再做，但電視不能休息，如做完香港小姐便要籌備台慶，之後又接台慶、賀年節目及慈善節目。他表示節目雖然是重覆，但內容需要想點新意加入去，還要比去年好，以及想傳達甚麼訊息予觀眾。
志偉相信稱卸任後會有更多時間與觀眾見面，因為有很多東西想跟觀眾分享，他本身是一向口沫橫飛，可是當總經理後每句說話都代表TVB，不能亂開玩笑，令他感辛苦。同時表示，離任後回歸電影圈想為為行業作貢獻，指已離開了影圈5年，是時間「做返啲嘢」。
曾志偉卸任TVB總經理︱欣慰TVB廣告返哂嚟
對於過去5年在TVB有沒有做到他想做的東西，他回應「算OK」，但仍有些事很想做卻未能做到，比如全面電腦化，形容TVB像郵輪，不能一下子電動化，只好如汽車半行電半行油。
他表示最大成功感是從觀眾口中聽到TVB節目好看，稱「而家公司都同我講，我係敗家子，我唔係賺錢，我賺個節目俾佢賣廣告，但係廣告唔係落我袋，所以我係洗錢。我屋企係洗錢，但係我洗屋企錢，我係冇幫屋企賺到錢。最緊要係咩？最緊要大家覺得，依家TVB廣告返哂嚟。」
志偉續解釋：「點解廣告返哂嚟，因為佢哋覺得喺TVB賣廣告真係生意好咗好多，呢個就係最緊要嘅。即係而家講，大家禮拜日都返屋企睇《中年好聲音》。好多綜藝節目大家都睇到我哋想講乜嘢，同埋好多藝人，大家都返嚟幫手拍嘢，都係對TVB嘅肯定。」
最新影片推介：
🔥免費索取「升小一選校及面試攻略班」影片【送升學面試攻略本】【點擊索取】
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品! 詳情:https://event.hket.com/article/3965561/?r=mcsdediart
|
鍾意就快D Share啦！
|
|
|
